Nena e lodhur pas lindjes, disa keshilla per te fjetur me mire

Pas nje dite të lodhshme edhe nëna ka nevojë të qetësohet, dhe nuk është aspak e habitshme që ajo të ndihet pa energji për një pjesë të mirë të ditës. Ndonjëherë ndodh që edhe pse nëna është tepër e lodhur e ka të vështirë të flejë në momentin që shkon në shtrat. Të gjithëve na ka ndodhur që të kemi vështirësi të biem në gjumë pas një lodhje të madhe fizike apo jo?

Disa zakone për të fjetur më mirë

Shkoni në shtrat gjithmonë në të njëjtën orë. Nuk duhet të injoroni lodhjen, pra nëse ndiheni e lodhur duhet të shtriheni sa më parë. Përpiquni të dilni nga shtepia herët në mëngjes edhe fëmija do të ndihet më mirë por edhe ju do të ndiheni më pak e lodhur.
Duhet të flini në një shtrat të rehatshëm. Dysheku duhet të jetë i një cilësie të mirë dhe dhoma e qetë. E largoni televizorin nga dhoma, të jeni e sigurt se do të flini më mirë.
Largoni veset. Alkooli, duhani, medikamentet të gjitha ndikojnë negativisht në cilësinë e gjumit.
Në momentin që shkoni për të fjetur mos filloni të mendoni gjëra. Përpiquni ta bëni këtë para se të shkoni në dhomën e gjumit, ndryshe mendimet nuk do t’ju lejojnë të flini të qeta. Ndërsa jeni në shtrat mund të lexoni një libër.
Bëni aktivitet fizik. Një shëtitje pasdite do t’ju bënte mirë të dyve,e dhe ty edhe fëmijës.
Nëse kanë kaluar 20 minuta në shtrat dhe ende nuk ju ka zënë gjumi, është mirë të ngriheni dhe merreni me diçka që do t’ju qetësojë. Evitoni smartphonin dhe televizorin.
I kërkoni këshilla mjekut tuaj. Nëse për një kohë të gjatë vuani nga pagjumësia, duhet të flisni me mjekun. Dhe mbani mend se është mirë të keni një gjumë cilësor më tepër se një gjumë “sasior”.

Lexo edhe:

Pese teknikat me te mira per te luftuar lodhjen pas lindjes

Femija nuk fle? Ja si te mposhtni lodhjen

Nje nene e deshperuar pas lindjes