Një studim i ri i publikuar në Harvard Review of Psychiatry zbuloi që edhe pse simptomat e depresionit pas lindjes ulen me kalimin e kohës, depresioni sërish mbetet një problem afatgjatë për 30 deri në 50% të nënave.

Studimi i drejtuar nga Nicole Vligen në Universitetin Leuven në Belgjikë, i bëri një rishikim studimeve të mëparshme për depresionin e paslindjes. Ai u fokusua në vizitat që nënat kishin bërë pas një kohe të gjatë. Kur i analizoi këto të dhëna, ai zbuloi  se simptomat depresive uleshin me kalimin e kohës por nuk zhdukeshin plotësisht. Nga analizimi i këtyre të dhënave, ai përllogariti se të paktën 30%  e nënave me depresion pas lindjes ishin ende të prekura nga depresioni edhe 3 vite pas lindjes.

Për nënat me depresion të rëndë, ata zbuluan se 50 % e tyre mbeteshin në depresion edhe pas marrjes së mjekimeve.
Studiuesit konkluduan se klinikat e specializuara për trajtimin e depresionit duhet të fillojnë ta shohin atë si një sëmundje kronike. Dhe duke qenë se depresioni i prindërve mund të ndikojë në zhvillimin e fëmijëve, është e nevojshme që këto nëna të kenë mbështetje nga partnerët e familjarët.  Ata shtuan dhe që klinikat duhet të marrin parasysh episodet e mëparshme të depresionit tek nënat, për një trajtim sa më efektiv të tyre.

Lexoni dhe: Depresioni pas lindjes, ja si e perjetojne nenat