loading

A mundet që burrat ta nuhasin një grua pjellore? Ky studim thotë që po

Burrat mund të jenë në gjendje të nuhasin sesa pjellore është një grua, sugjeron një studim i fundit.




0 0

Shkencëtarët nga Universiteti i Cyrihut i kërkuan një grupi meshkujsh të renditnin aromat e trupit të 28 grave të një moshe riprodhuese. Gratë më parë ishin testuar për nivelin e tyre të hormoneve kryesore të fertilitetit.

Të gjithë burrat ishin dakord se erërat më të këndshme ishin nga gratë me nivelet më të larta të estrogjenit. Estrogjeni rregullon ciklin menstrual dhe bën që vezët të piqen në vezoret e një vajze kur arrin pubertetin.

Meqenëse ky hormon është një ‘sinjalizues i pjellorisë’, gjetjet sugjerojnë se ‘aromat e trupit janë të lidhura me shëndetin riprodhues, të cilin burrat mund ta ndiejnë përmes erës’, thanë studiuesit. Infertiliteti prek rreth një në gjashtë gra në Mbretërinë e Bashkuar, tregojnë statistikat.

Dhe në SH.B.A., një në 10 gra lufton për të mbetur shtatzënë, sipas Qendrës për Kontrollin dhe Parandalimin e Sëmundjeve. Infertiliteti tek gratë zakonisht shkaktohet nga problemet me ovulacionin, si për shembull një vezë që nuk lëshohet në kohën e duhur.

Tek burrat, sperma me cilësi të dobët, pra lëngu që përmban spermatozoidet shpesh ka qenë shkaku i infertilitetit. Sidoqoftë, rreth një e katërta e çifteve që përpiqen të krijojnë një fëmijë por nuk ia dalin, nuk kanë një shkak të përcaktuar qartë. Studimet e kaluara kanë treguar që aromat e prodhuara nga hormonet e një gruaje mund ta bëjnë atë më tërheqëse për seksin e kundërt.

Sidoqoftë, nëse ky është një tregues i pjellorisë së saj ishte e paqartë. Për të zbuluar më shumë, studiuesit u kërkuan burrave të vlerësojnë erërat e trupit të 28 grave të shëndetshme. Gratë më parë ishin testuar për nivelin e tyre të hormoneve: estradiol, progesteronin, testosteronin dhe kortizolin. Estradioli është një nga katër hormonet “dominuese” të estrogjenit që zhvillohet natyrshëm te gratë.

Progesteroni mban pjesën e brendshme të mitrës në përgatitje për bashkimin e një veze të fekonduar. Nëse ovulacioni nuk ndodh, nivelet e progesteronit bien dhe një grua derdh këtë masë të krijuar brenda mitrës gjatë periodave. Më në fund, u pa edhe kortizoli, ‘hormoni i stresit”. Kjo ndjenjë dihet se ndikon në shanset e një gruaje për të ngjizur.

Rezultatet zbuluan se të gjithë burrat thanë se ishin tërheqëse gratë që kishin nivele të larta të estradiolit.

“Meqenëse niveli i estradiolit dhe progesteronit janë shenjues të shëndetit riprodhues dhe pjellorisë, studiuesit sugjerojnë se aromat e trupit janë të lidhura me shëndetin riprodhues të grave, të cilat burrat mund t’i kuptojnë përmes erës”, shkruajnë autorët.

Lexo edhe: Uthulla e mollës rrit fertilitetin si tek meshkujt ashtu edhe tek femrat


Për të lënë një koment ju duhet të jeni regjistruar Identifikohu



Materiale te ngjashme

Lumturia e një gruaje është...

Ne mund të mendojmë se diçka e tillë nuk do të ndodhë me ne, por nuk mjafton që vetëm ta besojmë këtë ide. Gjithmonë është më mirë të punoni për...

Rëndësia psikologjike e pranisë së...

Baballarët luajnë një rol të spikatur në çdo fazë të jetës së fëmijëve të tyre, qoftë në kohën e ngjizjes, ose gjatë fëmijërisë apo edhe gjatë ditëve në moshën madhore....

E thotë shkenca: meshkujt që...

Tentativat për të mbetur shtatzënë janë emocionuese, por le të jemi të sinqertë, pra këto tentativa mund të jenë edhe mjaft stresuese. Dhe shpesh e gjejmë veten duke vënë në...

Baballarët e sotëm kalojnë 3...

Fëmijët tanë po rriten në një botë shumë të ndryshme nga ajo e brezave parardhës. Hulumtimet tregojnë se baballarët e sotëm janë më të përfshirë se kurrë më parë në...

Ne kemi reklame ju lutem caktivizoni adblock ne menyre qe te navigoni lehtesisht.
Faleminderit!

A keni një llogari? Identifikohu


Regjistrohu


X

Ndrysho fjalkalimin


X