Mediat sociale kanë ndryshuar mënyrën se si krijohen dhe vazhdojnë marrëdhëniet në çift dhe kjo nuk është domosdoshmërisht diçka e mirë. Psikologët thonë se ka shumë mënyra sesi përdorimi i gabuar i rrjeteve sociale mund të ndikojë negativisht në marrëdhënien tuaj, duke filluar nga kontaktet me ish-partnerët.

Tre veprimet që nuk duhet të bëni në rrjetet sociale

Kontrolli i rregullt i profilit të ish-it

Kjo është diçka që nuk duhet ta bëni. Kontrolli i profilit të ish-partnerit mund të ketë implikime të mëdha. Duhet të mendoni arsyen e vërtetë përse duhet të keni ende interes për të kontrolluar profilin e tyre. Mund të jetë thjesht kuriozitet, por gjithsesi të kujtosh marrëdhëniet e kaluara mund të jetë e rrezikshme për marrëdhënien aktuale. Nëse ju keni një problem me partnerin tuaj, është shumë e lehtë të idealizosh marrëdhënien që ka mbaruar.

T’i shkruash dikujt tjetër për marrëdhënien tuaj aktuale

T’i dërgosh dikujt mesazhe për imtësitë e lidhjes suaj apo problemet, konsiderohet e rrezikshme. Mbajini private gjërat tuaja personale. Për të kuptuar nëse kjo që po tregoni cënon privatsinë e partnerit tuaj, mendoni si do të ndihej ai nëse do t’i zbulonte ato mesazhe.

Të kontrollosh llogaritë sociale të partnerit

Është shumë e vështirë të rezistosh, por nëse zbuloni një mesazh ose email flirtues nga një kolege pune ose dikush tjetër, mund t’ju lëndojë. Ekspertët sugjerojnë që nëse jeni plotësisht e vendosur të bëni diçka të tillë, duhet të keni guxim të flisni me partnerin për atë që keni zbuluar dhe të mos e mbani në asnjë mënyrë për vete.Gjithashtu përpiquni të mendoni përse keni kuriozitet të futeni në llogaritë e partnerit. Ndoshta mendoni se ju nuk e meritoni që ai të jetë besnik ndaj jush? Nëse është kështu, adresojeni problemin tek vetja dhe shikoni se ç’mund të rregulloni, sepse kontrolli pabesisht  i profileve nuk do t’ju ndihmojë për asgjë.

Lexo edhe: Cfare po ju shkaktojne te rinjve rrjetet sociale?

Sorry, there are no polls available at the moment.

')}