Mos u dorëzoni
Kur përballeni me zemërimin dhe ndonjëherë llastimin e shpeshtë të fëmijës, rregulli i parë është të mos dorëzoheni ndaj çdo teke që ata kanë. Imagjinoni një situatë të tillë: fëmija ju kërkon ëmbëlsira dhe ju refuzoni t’ia jepni. Fëmija fillon të qajë e të shtrihet përtokë, ndërsa ju dorëzoheni e i lejoni të hanë ëmbëlsirat. Duke bërë diçka të tillë, ju përcillni tek fëmija mesazhin se nëse ai qan, për 20 sekonda, 20 minuta apo një orë, do të arrijë atë që do. Kështu që në një rast tjetër, fëmija e di shumë mirë ç’duhet të bëjë që t’i plotësohet dëshira. Në këto raste këshillohet që nëna të përpiqet ta ndalojë fëmijën së qari, por të vazhdojë normalisht aktivitetin e saj (të bëjë pazar, të pastrojë), pa u dorëzuar para të qarave. Në këtë mënyrë, fëmija do të kuptojë se të qarat nuk i shërbejnë për të marrë çfarë do.
Qëndroni të qetë
Shumë prej sjelljeve të këqija të fëmijëve, bëhen vetëm për të tërhequr vëmendjen e prindërve. Kështu që, qoftë edhe duke e bërë të madhe këtë situatë, fëmija ka arritur të marrë vëmendjen tuaj. Kur fëmijët janë tekanjozë dhe këmbëngulin për gjëra që nuk duhet, anashkalojini tekat e tyre, mos u kushtoni shumë rëndësi.
Lavdërojini fëmijët kur sillen mirë
Disa fëmijë reagojnë shumë keq, nëse i qortoni. Nëse ky është rasti i fëmijës tuaj, përpiquni të kaloni më shumë kohë me ta dhe t’i lavdëroni kur sillen mirë.
Bëni pak pushim
Nuk ka asgjë të keqe që kur situata me fëmijën tuaj tensionohet, të bëni pak pushim, larg ambientit të ngarkuar. Disa prindër kanë vende specifike ku shkojnë për t’u larguar pak minuta nga gjithçka që ka ndodhur mes tyre dhe fëmijës. Këshillohet që diçka e tillë të bëhet në një moshë pak më të rritur të fëmijës.
Shpërblimi
Një mënyrë shumë e mirë për të menaxhuar zemërimin dhe tekat e fëmijëve është të vendosni disa kushte së bashku, e kur ato të plotësohen, t’i jepni një shpërblim. Për shembull, nëse ju vendosni një orar të caktuar kur fëmija duhet të flejë gjumë, është mirë të bëni një tabelë me ditët e javës dhe të shënoni në të orarin kur fëmija ka fjetur çdo ditë. Nëse në fund të javës rezulton se ai më shumë herë e ka respektuar rregullin, duhet t’i jepni një shpërblim. Është mirë që shpërblimet të mos jenë ushqime, por kryesisht aktivitete, udhëtime, etj, dhe rregullat t’i vendosni së bashku me fëmijën, jo vetëm ju. Në këtë mënyrë, fëmija do të ndihet më i motivuar për tu sjellë më mirë.
Lexo edhe: Sjellja e femijes tim eshte ndryshe ne kopsht dhe ndryshe ne shtepi
Sorry, there are no polls available at the moment.
')}
Për të lënë një koment ju duhet të jeni regjistruar Identifikohu