Gjyshërit përgjithësisht mundohen që në saj të sjelljes së tyre të urtë dhe bujare, t’i gëzojnë nipërit dhe mbesat, por kjo gjë mund të ndikojë faktikisht edhe në llastimin e tyre. Në një studim të publikuar në “PLOS ONE” shpjegohet se gjyshërit zakonisht llastojnë nipërit e tyre dhe duke qëne të painformuar nga mjekësia moderne i vënë shpesh ata në rrezik duke i ekspozuar ndaj sheqerit apo tabakos.
Sipas këtij studimi në këtë mënyrë gjyshërit rrisin rrezikun për sëmundje tek fëmijët në mënyrë të pavullnetshme. Duke e ekspozuar fëmijën ndaj duhanit apo ëmbëlsirave, rrisin rrezikun nga prekjet e sëmundjeve kur fëmijët arrijnë në moshë madhore.
Shkencëtarët po përpiqen të kuptojnë rolin e pavullnetshëm që ka gjyshja me gjyshin në shoqërinë njerëzore, pasi njerëzit janë ndër të vetmet specie që mbijetojnë edhe pasi humbasin aftësinë e tyre për tu riprodhuar. Megjithëse ndër vite janë krijuar shumë teori, dhe një ndër to e cila është dominante quhet “Hipoteza e Gjyshes”. Ajo deklaron se prania e gjyshes ndihmon për të rritur mundësitë e mbijetesës së nipit, nëpërmjet ndarjes së resurseve ekonomike dhe njerëzore. Vetëm në SHBA rreth 60 deri në 70% e gjysheve marrin pjesë në kujdesin e fëmijës. Gjithashtu ka prova që kjo marrëdhënie është fitimprurëse për të dyja palët. Gjyshërit që kujdesen për nipërit e tyrë kanë tendencën të jetojnë më gjatë, ndërsa fëmijët që rriten në “prehërin” e gjyshes dhe gjyshit përjetojnë një zhvillim më të shpejtë emocional.
Studimi mblodhi të dhëna nga 10 shtete për të zbuluar impaktin e gjyshërve në jetën e nipërve të tyre. Rezultatet e studimit treguan se gjyshërit që përshkruheshin si “ tolerant” shpesh kishin një impakt negativ në dietën, ushtrimet fizike dhe shtimin e peshës tek nipërit e tyre. Gjthashtu kur gjyshërit pinin duhan në prani të fëmijëve, rrisnin mundësinë që edhe fëmijët të bëheshin duhanpirës.
Por si mund t’i bëjmë gjyshërit të ndryshojnë sjellje ?
Ata zakonisht nuk do t’ju dëgjojnë kur juve i thoni thjesht që çokollata nuk i bën mirë atyre. Por do t’i kushtonin më shumë vëmendje nëse ju i tregoni ndonjë artikull që thotë të njëjtën gjë por sigurtisht të ilustroni edhe ndonjë shembull. Mos harroni se veprimet e gjyshërve nuk kanë qëllime të këqija, thjesht padituria rreth mjekësisë moderne i drejton ata të bëjnë gabime të tilla, ndaj tregohuni të duruar dhe mirënjohës.
')}
Për të lënë një koment ju duhet të jeni regjistruar Identifikohu