Për disa nëna lindja nuk do të ishte eksperienca e bukur, që do të mbahet mend gjithë jetën, sidomos nëse ajo ka qënë më parë viktimë e një abuzimi seksual qoftë edhe në moshë të hershme. E tillë është edhe historia e publikuar në “ScaryMommy” dhe e shkruar nga Belle Gearhart e cila ka sjellë historinë e kësaj nëne, sigurisht duke ruajtur anonimatin.
“Nuk mbaj mend një kujtim të bukur, por mbaj mend partnerin tim aktual që qëndronte i frikësuar dhe i hutuar pas atyre infermiereve, që dukej se nuk ju interesonte dhimbja ime. Unë nuk vuaja aspak falë kontraksioneve dhe kjo falë medikamenteve, dhimbja ime më e madhe ishte e lidhur me abuzimin seksual që kisha përjetuar shumë vite më parë. Ndërsa ato afroheshin drejt meje për të parë sa isha hapur, në momentin që më kërkuan të hapja këmbët e mia duke më prekur nga gjunjët, duket se hija e abuzimit hyri në dhomën e spitalit. Ishte e pamundur që ato t’i lejoja të më kontrollonin, por edhe sjellja e tyre nuk ishte aspak e mirë në drejtimin tim. Më pas mbaj mend që kam shkuar drejt një dhome tjetër, me karrocë me rrota, duke menduar për të gjitha ato femra që kanë pasur fatin tim, që kanë ne jetën e tyre një histori abuzimi, dhe pas kësaj kujtimi më i bukur lidhet me ditët në vazhdim, kur mbaja qetësisht në gjoks një fëmijë të vogël dhe të brishtë…”
Ne shpesh na ndodh të flasim në lidhje me vështirësitë e shtatzanisë dhe depresionin pas lindjes, por a e prekim mjaftueshëm temën e abuzimeve të plota apo edhe atyre të mbetura në tentativë? E dini se një grua e abuzuar në jetën e saj mund të shfaqë shenja depresioni edhe në shtatzani, pra pasojat do të ndihen edhe në këtë periudhe të bukur apo gjatë lindjes.
Këto përvoja mund të krijojnë një “burg” të padëshiruar mendor tek gruaja shtatzanë, dhe në këtë rast duhet edhe ndihma e mjekut profesionist për t’i kapërcyer ato. Vetëm ata do të dinë se cilat janë nevojat e pacienteve, dhe gjithçka që ato i bën të lumtura. Pra gruaja duhet të pranojë se kujtimet e një historie të tillë janë ende shumë të forta dhe kanë ndikim në jetën e saj, dhe më pas të mos druhet të kërkojë ndihmë profesionale. Vetëm mjeku do të jetë në gjendje t’ju bëjë të mbani nën kontroll këto mendime të cilat mund të kenë ndikim jo vetëm në shtatzani dhe në lindje, por edhe në momentet e punës, gjatë jetës së përditshme, duke bërë që ju të mos ndiheni të lira, e do t’ju frenojnë deri në atë pikë sa nuk do të ndiheni të lira as për të pasur kontroll mbi lindjen.
Të qënit e burgosur nga një traumë seksuale është një nga malet më të larta dhe më të vështira në të cilat mund të ngjitet një grua, dhe ai “mal” nuk duhet të provohet për t’u ngjitur në momentin e lindjes!
Nëse dhe ti je viktimë e një abuzimi seksual, kujtimet e të cilit kanë marrë kontrollin e jetës tënde, kërko ndihmë!
Nuk është aspak turp, shoqëria dënon dhunuesin, jo ty!
Leoni dhe: Frika nga shtatzania dhe lindja. Si perceptohet nga grate?
')}
Për të lënë një koment ju duhet të jeni regjistruar Identifikohu