Rriten rastet e të prekurve nga kanceri anal, shenjat që duhet të dalloni

Te dhenat e fundit mjekesore kane treguar se eshte rritur numri i te prekurve nga kanceri anal. Keto shenja ju ndihmojne te kuptoni nese jeni te rrezikuar.




0 0

Një numër në rritje i njerëzve në SH.B.A po diagnostikohen dhe po vdesin nga kanceri anal, sipas hulumtimit të ri të botuar në Gazetën e Institutit Kombëtar të Kancerit.

Incidenca e llojit më të zakonshëm të kancerit anal, karcinoma qelizore skuamoze e anusit, u rrit 2.7% në vit ndërmjet 2001 dhe 2015, ndërsa numri i personave që vdiqën nga kanceri anal është rritur 3.1% gjatë asaj periudhe. Burrat e rinj dhe gratë e moshuara janë më të prekurit, thonë autorët e studimit.

“Normat rriten shumë shpejt. Është shqetësuese. Tradicionalisht, perceptimi ynë për kancerin anal ka qenë se është një nga format më të rralla të kancerit dhe për këtë shkak, është lënë pas dore”, – thotë një nga studiuesit.

Shumica e rasteve të kancerit anal janë të shoqëruara me papillomavirus njerëzor (HPV); sipas Qendrave për Kontrollin dhe Parandalimin e Sëmundjeve (CDC), besohet se 91% e personave të diagnostikuar me kancer anal çdo vit preken prej tij si rezultat i një infeksioni të mëparshëm HPV.

“Njerëzit duhet të pranojnë që kancere të caktuara, përfshirë kancerin anal, janë në të vërtetë SST”, thotë Jack Jacoub, MD, onkolog mjekësor dhe drejtor mjekësor i Institutit të Kancerit Memorial Care në Qendrën Mjekësore në Fountain Valley, CA.

Aktualisht, CDC rekomandon që të gjithë njerëzit në moshën 26 vjeçare dhe më të rinj, të kenë bërë vaksinën HPV, duke filluar nga mosha 11 deri në 12 vjeç, shumë kohë përpara se ata të kenë të ngjarë të ekspozohen ndaj virusit, i cili transmetohet përmes kontaktit seksual.

“Ne shpesh nuk kemi një metodë për të parandaluar kancerin, por marrja e vaksinës HPV mund të ulë ndjeshëm mundësinë e zhvillimit të disa llojeve të kancerit, duke përfshirë kancerin anal”.

Mënyra më efektive për të zvogëluar rrezikun tuaj të kancerit anal është përmes parandalimit, shton Dr. Jacoub. “Shmangni sjelljet seksuale me rrezik të lartë, duke përfshirë kufizimin e numrit të partnerëve seksualë,” thotë ai. Njerëzit që kanë shumë partnerë seksualë dhe kanë seks anal shpesh janë në një rrezik më të lartë për HPV dhe kancerin anal.

Sipas Dr. Cohen, simptomat më të zakonshme të kancerit anal janë gjakderdhja rektale ose gjaku në jashtëqitje, dhimbja anale dhe / ose presioni anal. “Ndonjëherë njerëzit do të mendojnë se gjakderdhja është nga hemorroide ose nga ndonjë burim tjetër”,- thotë ajo. “Është e rëndësishme të keni një vlerësim vizual me mjekun tuaj”.

Lajmi i mirë është se nëse kanceri anal zbulohet herët, nivelet e mbijetesës janë të larta. “Kanceri i lokalizuar anal ka një prognozë shumë të mirë, veçanërisht kur shoqërohet me HPV,” thotë Dr. Cohen. “Trajtimi zakonisht përfshin kimioterapi dhe rrezatim, me operacione të ruajtura për rastet kur trajtimi nuk është efektiv”.

Lexo edhe: Sa më shumë antibiotikë, aq më të rrezikuar nga kanceri i zorrës së trashë



Për të lënë një koment ju duhet të jeni regjistruar Identifikohu



Materiale te ngjashme

Përdorimi i zgjatur i smartfonit...

Përdorimi i shumtë i celularit duket se ka pasoja të rëndësishme në dhimbjen e kokës. Kjo lidhje zbulohet nga një studim indian i botuar në revistën Neurology Clinical Practice. Rezultatet...

Trajtim i ri për talaseminë...

Sipas rezultateve të para të botuara në New England Journal of Medicine të paraqitura në kongresin e Shoqatës Amerikane të Hematologjisë, terapia e gjeneve (e autorizuar në Evropë me emrin...

Përdorimi i aspirinës ul rrezikun...

Konsumimi i rregullt i aspirinës, d.m.th një ose dy tableta në javë, mund të zvogëlojë rrezikun e zhvillimit të kancerit kolorektal dhe kancerëve të tjerë të sistemit gastrointestinal. Kjo është...

Abuzimi me të miturën nga...

Abuzimi seksual me 15-vjeçaren nga roja e shkollës ka marrë gjithë vëmendjen mediatike ditët e fundit. Pedagogia e gazetarisë Iris Luarasi ka reaguar ashpër në emisionin “Open” në Top Channel,...

Ne kemi reklame ju lutem caktivizoni adblock ne menyre qe te navigoni lehtesisht.
Faleminderit!

A keni një llogari? Identifikohu


Regjistrohu


X

Ndrysho fjalkalimin


X