Perrallat, ja cilat kane nje efekt me teper pozitiv tek femija

Zakonisht prindërit preferojnë të lexojnë për fëmijët e tyre, përralla në të cilat personazhet kryesorë janë kafshët, por tashmë ekspertët tregojnë se një efekt më të mirë do të kishin përrallat që kanë personazhe kryesorë njerëzit.

Përse kanë një efekt më tepër pozitiv përrallat me personazhe njerëz?

Ato ndihmojnë fëmijët të jenë më tepër altruist dhe këtë vlerë ata e zhvillojnë më mirë nëse u lexoni këto përralla. Fëmija do të përthithë më mirë rëndësinë e të ndihmuarit, pra që nuk duhet të mendojë vetëm për veten e vet. Një mesazh i tillë përcillet më mirë nga përrallat me personazhe njerëzorë. Këtë e pohon edhe një publikim në revistën “Developmental Science”, pas një studimi të kryer në 96 fëmijë.

Ndjenjat altruiste lindin nga gjëra të vogla

Studiuesit kanë parë efektin e përrallave me personazhe humane tek fëmijët. Sipas tyre grupi i fëmijëve që dëgjuan përrallat me personazhe njerëzore, në fund të leximit ishin më i prirur të dhuronin disa figura ngjitëse krahasuar me fëmijët që dëgjuan përralla me kafshë. Shpjegimi që studiuesit japin në lidhje me këtë fakt është se fëmijët i shikojnë kafshët ndryshe nga vetja e tyre dhe për pasojë do ta kenë të vështirë të identifikohen apo bëjnë sjelljet e tyre.

Kini parasysh se përrallat janë një metodë shumë e mirë dhe efektive për t’i mësuar fëmijës gjestet e përditshme që ata shpesh refuzojnë si për shembull larja e dhëmbëve, vendosja e lodrave në rregull etj.

I lexoni fëmijës tuaj? Cili është momenti kur e bëni këtë dhe cila është përralla e preferuar?

Lexo edhe:

Disa libra per femijet tuaj

Librat, miqte e neuroneve te femijes

10 librat e huaj me te dashur per femijet