Ashtu si nënat edhe baballarët e rinj kanë shumë pikëpyetje në kokën e tyre kur vjen në jetë një fëmijë, aq më tepër kur fëmijët nuk janë një por dy. Kështu edhe një zotëri që prej tre javësh ishte bërë baba i dy binjakëve, ka drejtuar një pyetje në një komunitet prindërish online.

“A jam baba i keq nëse nuk dua të ngrihem natën për të ushqyer binjakët e mi?” Ai vazhdoi duke shpjeguar se punon me kohë të plotë ndërsa e shoqja e tij jo. Për këtë arsye, ai thotë se i nevojitet të bëjë gjumë të rehatshëm për të qenë në gjendje të punojë.

Ai shtoi se e shoqja mund të flejë gjatë ditës, sepse ajo ka një dado që e ndihmon pikërisht që të ketë mundësi të pushojë.

“Unë nuk po përpiqem të heq dorë nga përgjegjësitë e mia si prind”,- theksoi ai.

Megjithatë, komentet thumbuese ndaj tij kanë qenë të shumta. “Nëse mendoni se mbajtja e dy fëmijëve në bark për 9 muaj dhe kujdesi për ta pas lindjes nuk është i barabartë me punën tuaj  e keni gabim”,- ka shkruar dikush.

“Prindërimi është një detyrë në çift, nuk është e thënë të ngrihesh gjithmonë vetëm ti natën, por edhe t’ja lësh vetëm bashkëshortes gjithë përgjegjësinë nuk është mirë sepse nuk është vetëm puna e saj”,- i ka komentuar një tjetër përdorues i rrjetit.

Të tjerë theksuan se kishte vetëm tre javë që kur gruaja e tij kishte lindur binjakë. “Periudha pas lindjes është tepër e vështirë. Hormonet janë në të gjithë trupin, privimi i gjumit është i lodhshëm, ajo është e fryrë, ka gjakderdhje dhe dhimbje”, shpjegoi një person.

Lexo edhe: Babai kerkon qe nena ta bleje qumeshtin formule me leket e saj