Matematika dhe gjuha janë lëndët që konsiderohen më të rëndësishme që nga shkolla fillore: nëse një fëmijë nuk ka vështirësi me këto të dyja, mësimi i lëndëve të tjera do të jetë më i lehtë. Dhe çelësi i suksesit në matematikë dhe gjuhë amtare, sipas një grupi studiuesish në Universitetin e Miçiganit (Shtetet e Bashkuara), është të stimuloni kuriozitetin e fëmijëve që në moshë të vogël.
Mijëra fëmijë janë analizuar
Studimi, i botuar në revistën mjekësore Pediatric Research, tregon se çelësi i suksesit të fëmijëve në matematikë dhe gjuhë është kurioziteti i tyre. Për të arritur këto rezultate, studiuesit analizuan të dhëna nga Early Childhood një studim ku morën pjesë rreth 6.200 fëmijë u vlerësuan katër herë, në moshën nëntë muajshe deri në dy vjet, vitin e parë të kopshtit dhe vitit të parë të shkollës fillore, ndërkohë u intervistuan edhe prindërit nga hulumtuesit.
Rezultatet më të mira në shkollë
Sudiuesit zbuluan se kurioziteti siguroi një kontribut të vogël, por të rëndësishëm në rezultatet e shkollës, madje edhe duke marrë parasysh faktorë të tjerë. Sipas studiuesve, nxitja e këtij qëndrimi natyral mund të jetë veçanërisht e rëndësishme për fëmijët me prejardhje të varfra ekonomike, për të kapërcyer një boshllëk në rezultatet me bashkëmoshatarët.
Ta dini!
Sipas një studimi të kryer nga Universiteti i Purdue (Shtetet e Bashkuara), aftësitë matematikore dhe gjuhësore janë të lidhura fort me mësimet që kanë marrë fëmijët në kopsht.
Lexo edhe: 11 keshilla nga mesuesit per prinderit qe cojne femijet per here te pare ne shkolle
Për të lënë një koment ju duhet të jeni regjistruar Identifikohu