Çdo prind dëshiron që fëmija i tij të jetë i sigurt, i lumtur dhe të ketë besim në vete kur të shkojë në shkollë si dhe të jetë i aftë të bëjë miq në mënyrë që të argëtohet teksa mëson.
Arma sekrete për të siguruar që fëmija juaj t’i bëjë të gjitha këto, është aftësia e tij e komunikimit.
Pse aftësitë gjuhësore janë kaq të rëndësishme kur fëmija fillon shkollën?
Të jesh në gjendje të komunikosh me besim e ndihmon fëmijën të mos mërzitet e të mos acarohet në situatat me të cilat do të përballet.
Gjuha e ndihmon fëmijën të bashkohet në grupet shoqërore, të krijojë miqësi dhe të ndërtojë marrëdhënie.
Si mund ta ndihmoj fëmijën tim të zhvillojë aftësitë e tij gjuhësore?
- Merrni vëmendjen e fëmijës suaj
Ndonjëherë prindërit mendojnë se fëmijët e tyre i injorojnë ose madje kanë probleme dëgjimi, thjesht sepse nuk shikojnë kur prindërit e tyre flasin me ta. E vërteta është se fëmija juaj ndoshta është i zhytur vetëm në atë që po bën. Duhet ta kërkoni vëmendjen e fëmijës duke iu drejtuar gjithmonë në emër që ai të drejtohet nga ju.
- Jepini kohë për të folur
Fëmijës i duhet kohë për të përpunuar ato që mendon dhe për të gjetur fjalët e duhura për t’u shprehur. Duhet të tregoni durim dhe interesim që po prisni atë që fëmija ka për t’ju thënë.
- Mbajeni bisedën aktive
Kur fëmija flet, përpiquni të bashkëbisedoni me të dhe të bëni herë pas here komente që tregojnë se jeni të interesuar në bisedë.
- Gjithmonë emërtoni objektin
Mundohuni të emërtoni çfarëdo që e rrethon fëmijën dhe ai tregon interes. Kjo e ndihmon atë të pasurojë fjalorin dhe ta ketë më të lehtë të shprehet.
- Korrigjoni butësisht
Fëmijët nuk i ndërtojnë gjithmonë fjalitë siç duhet. Nëse ai bën një gabim, përsëriteni siç duhet, pa i vënë në dukje se gaboi.
- Bëjeni të folurën argëtuese
Kthehjeni të folurën në lojë, futuni në role dhe interpretojini me tone të ndryshme gjërat që thoni. Kjo tërheq vëmendjen e fëmijës.
- Bëjeni çdo ditë
Bisedoni me fëmijën tuaj sa më shumë që të jetë e mundur çdo ditë, nëse jeni duke ngrënë darkë, duke ngarë makinën ose duke ecur në park. Shfrytëzoni çdo moment për të komunikuar së bashku.
Si mund të përdor librat për të inkurajuar aftësitë gjuhësore?
Tregimet janë një mënyrë e mirë që të mësojë fjalë të reja, të zhvillojë përqëndrimin përmes argëtimit. Rutina e leximit do të ishte shumë e përshtatshme në kohën e gjumit. Lexojini fëmijës përpara se të flejë.
Si mund të ndihmojnë vjershat fëmijën?
Vjershat ndihmojnë fëmijën të zgjerojë fjalorin, të kuptojë ritmin dhe rimën mes fjalëve.
Lexo edhe: Lojrat qe mund te beni me femijen tuaj qe te rritet mire
Sorry, there are no polls available at the moment.')}
Për të lënë një koment ju duhet të jeni regjistruar Identifikohu