Qumështi me yndyrë të plotë po bën një rikthim. Pas një propagande të zgjatur se qumështi i skremuar është më i mirë se ai me ajkë e yndyrë të plotë, ky i fundit po rimerr reputacionin si një ushqim i shëndetshëm.
Në fakt, është vërtetuar se shumica e produkteve me yndyrë të ulët si qumështi e kosi kishin në përbërje të tyre sheqer e përbërës artificialë për t’i bërë ato më të shijshme, gjë që nuk është aspak e shëndetshme.
Qumështi i skremuar dhe kosi pa yndyrë, nuk janë vetëm pa shumë shije, por në rastin e kosit pa yndyrë, shpesh i mbushur me sheqer, edhe na privojnë nga përfitimet shëndetësore të qumështit me yndyrë të plotë.
“Çuditërisht, produktet e qumështit me yndyrë të plotë mund t’ju ndihmojnë të mbani një peshë të shëndetshme”. Gjithashtu konsumi ditor i qumështit të plotë rriti nivelet e kolesterolit të HDL (ose të mirë), ndryshe nga ai i skremuar.
“Studime të tjera kanë zbuluar se fëmijët që pinin qumështin e plotë kishin nivele më të larta të vitaminës D krahasuar me shokët e tyre që pinë qumësht me yndyrë të ulët”. Studiuesit mendojnë se yndyra e qumështit mund të ndihmojë trupat e fëmijëve të thithin vitaminën D në mënyrë më efikase.
“Të dyja janë zgjedhje të mira, por produktet organike të qumështit me yndyrë kanë avantazhin e shtuar se janë më të lartë në acidet yndyrore omega-3, si dhe acidin linoleik të konjuguar, i cili është i dobishëm për mbajtjen e një peshe të shëndetshme dhe mund të ndihmojë në menaxhimin e diabetit të tipit 2”, – thonë studiuesit.
Ashtu si me çdo grup ushqimesh, edhe në këtë rast tejkalimi i sasisë nuk është një ide e mirë.
Lexo edhe: Qumeshti i ftohte apo i ngrohte, cili eshte me i shendetshem?
Për të lënë një koment ju duhet të jeni regjistruar Identifikohu