Jo shumë kohë më parë, i vetmi lloj qumështi që mund të përdorej në kafe ishte qumështi i lopës. Më pas tregu u pushtua nga qumështi i bajameve dhe i sojës. Ndërsa një version i fundit është ai i qumështit të tërshërës, që mesa duket është më i ngjashmi me qumështin e lopës.
Po a është i shëndetshëm qumështi i tërshërës?
Në formën e tij më të pastër, qumështi i tërshërës përbëhet nga përzierja e tërshërës me ujin zakonisht në raport 1 filxhan tërshërë dhe 3/4 filxhan ujë. Disa marka të caktuara shtojnë edhe minerale e vitamina në këtë përzierje. Gjithashtu nuk është i pazakontë shtimi i sheqerit, kripës apo konservantëve në listën e përbërësve.
Përfitimet shëndetësore të qumështit të tërshërës
1 filxhan qumësht tërshëre ka 120 kalori , gjithsej 5 gramë yndyrë, 16 gramë karbohidrate, 2 gramë fibra, 7 gramë sheqer (nga tërshëra, pa shtuar), dhe 3 gramë proteina.
Me 3 gramë proteina, qumështi i tërshërës është më i lartë në proteina sesa prodhimet alternative të tjera, të tilla si qumështi i bajames, qumështi i kokosit dhe qumështi i orizit, të cilat në thelb nuk përmbajnë proteina.
Gjithashtu është një nga llojet e qumështit që ka përmbajtjen më të lartë të fibrave të shëndetshme. Megjithëse 2 gramë fibra nuk mund të duken shumë, sasia e rekomanduar ditore e fibrave për gratë e rritura është 25 gramë. “Fibra është e rëndësishme sepse ofron përfitime shëndetësore, si rregullimi i glukozës në gjak, lidhja e kolesterolit, lëvizjet e shëndetshme të zorrëve dhe siguron ndjenjën e ngopjes”, thonë ekspertët .
Përfitime të tjera: Qumështi i tërshërës siguron rreth një të tretën e konsumit të rekomanduar të përditshëm beta glukani; këto janë sheqerna që mund të ndihmojnë në mbajtjen e niveleve të kolesterolit nën kontroll. Ju gjithashtu do të merrni rreth 25% të konsumit të përditshëm të rekomanduar të kalciumit për një filxhan dhe rreth 20% të konsumit të rekomanduar të vitaminës D nëse zgjedhni një markë të fortifikuar.
Çfarë duhet të dini për qumështin e tërshërës
Qumështi i tërshërës ka tendencë të jetë më i lartë në kalori sesa opsionet e tjera. Për shembull, qumështi i tërshërës përmban 120-130 kalori krahasuar me 40 të qumështit të bajameve, dhe 80 të qumështit të sojës.
Qumështi i tërshërës është gjithashtu një alternativë e mirë për njerëzit me alergji nga laktoza, arrët, dhe gluteni.
Të gjitha mënyrat që mund ta përdorni
Profili ushqyes i qumështit të tërshërës është arsyeja e mjaftueshme për ta shtuar atë në karrocën e blerjeve tuaja. Trashësia më e madhe se e qumështit të sojës e bën atë më të përshtatshëm për kafe. Ju gjithashtu mund ta përdorni atë në gatime në të gjitha recetat ku përdorni qumështin e lopës.
Lexo edhe: A eshte e shendetshme tershera? Ja vlerat ushqyese qe permban dhe perfitimet prej saj
Për të lënë një koment ju duhet të jeni regjistruar Identifikohu