Kur një grua vendos të bëhet nënë për herë të parë, pavarësisht sesa gati ndihet për të marrë këtë vendim të rëndësishëm në jetë, pavarësisht se mund të jetë shumë e vetëdijshme për ndryshimet që do të pësojë, fizikisht dhe emocionalisht, asgjë nuk mund ta përgatisë atë për të përballuar orët pa gjumë gjatë natës.

Dilemat e nënave të reja

Janë shumë pyetje që kalojnë në mendjen e një nënë të re. Sa orë duhet të flejë fëmija? Përse po qan? A është mirë ta marr në krevatin tim? Kur do e zërë gjumi? Këto e shumë dilema të tjera mundojnë nënat që sapo kanë sjellë në jetë fëmijën e parë.

Fazat e para

Ditët dhe javët e para, një i porsalindur fle mesatarisht 16-20 orë në ditë, por sigurisht me ndërprerje dhe me zgjime të shpeshta. Me kalimin e javëve, situata përmirësohet edhe pse me ritme të ngadalta. Kur fëmija të jetë 6-8 javësh, do të bëjë gjumë më të qetë dhe ju do të lodheni më pak. Ndërsa në javën e 12, përmbyset raporti mes ditës e natës dhe fëmija do të flejë më shumë gjatë natës.

“Çuço”, duhet ta përdorni apo jo?

Avantazhet

Pushojnë të qarat e fëmijës, ndërkohë që asgjë tjetër nuk mund ta bëjë diçka të tillë.

Është më i lehtë për t’ja hequr fëmijës, ndryshe nga ç’do të ishte nëse fëmija do të thithte gishtat gjatë gjumit.

Disavantazhet

Vështirësojnë gjidhënien

Sipas ekspertëve, nuk duhet t’i jepni çuço fëmijës pa mbushur një muajsh, sepse proçesi i thithjes së tij, nuk është i njëjtë me thithjen e gjirit dhe kjo krijon vështirësi për nënën.

Rrit rrezikun që fëmijës të mos i dalin dhëmbët e drejtë.

Mund të vonojnë zhvillimin e të folurës.

Fëmija ndihet aq rehat me të, saqë mund ta përdorë edhe në moshë të rritur.

Nëse i bie fëmijës nga goja, mund të shkaktojë që fëmija të ngrihet në gjendje somnanmbul.

I bën nënat dembele dhe në këtë mënyrë ato nuk do të shqetësohen për të kuptuar arsyen e vërtetë përse fëmija po qan, por do të gjejnë zgjidhje tek çuço.
Lexo edhe: Pastrimi i cucos, gabimi me i madh qe bejne nenat

Sorry, there are no polls available at the moment.

')}