Të gjithë fëmijët mund të kalojnë një fëmijëri të bukur e të rriten të fortë e të pavarur, pavarësisht nëse janë fëmijë të vetëm apo jo. Sidoqoftë, është e pamohueshme që vëllezërit dhe motrat, pavarësisht nga grindjet, xhelozitë, janë një thesar me vlerë të paçmueshme. Ata madje ndihmojnë për të përballuar më mirë konfliktet e familjes. Sipas një studimi të kryer nga një grup studiuesish amerikanë, nga Universiteti i Rochester, Nebraska-Lincoln dhe Notre Dame, botuar në revistën mjekësore Child Development.
Studimi i më shumë se 230 familjeve
Studimi përfshinte 236 familje, të përbërë nga dy prindër dhe të paktën dy fëmijë (jo binjakë). Autorët i ftuan ata të nënshtrohen një sërë testesh. Së pari, ata i kërkuan çdo çifti të diskutonte në një dhomë disa tema me të cilat nuk ishin dakord. Studiuesit i dëgjonin dialogët e tyre dhe shqyrtonin me kujdes reagimet, sjelljet, gjestet. Pra, ata i kërkuan të gjitha nënave t’i përgjigjeshin pyetjeve në lidhje me cilësinë e marrëdhënieve mes vëllezërve, ndjeshmërinë e tyre dhe afërsisë apo distancën midis tyre, për shembull në sa herë që ata nuk pajtoheshin. Së fundi, ata gjithashtu vëzhgonin motrat dhe vëllezërit së bashku. Të gjitha këto teste janë përsëritur tri herë, kur një nga dy fëmijët ishte 12, 13 dhe 14 vjeç.
Më pak ankth
Të kesh motër ose vëlla zvogëlon ankthin e konflikteve familjare. Në fakt, fëmijët që kishin dëshmuar një konflikt të thellë mes të prindërve dhe familjes të cilët jetonin në një realitet kompleks, pas një viti ishin në gjendje më të vështirë, por në qoftë se ata kishin një marrëdhënie të mirë me vëllezërit dhe motrat ishin më të rehatshëm dhe kujdeseshin për njëri-tjetrin.
Një lidhje e çmuar
Ekspertët përfunduan se të kesh një vëlla apo motër e bën fëmijën të ndihet më pak i vetëm përballë grindjeve dhe kontrasteve të thella midis prindërve. Ndarja e shqetësimeve dhe ndërgjegjësimi zvogëlon ankthin. Edhe më shumë nëse lidhja midis vëllezërve është e fortë.
Ta dini!
Është e rëndësishme për prindërit që të nxisin lidhjen midis vëllezërve. Për shembull, duke u përpjekur të jeni gjithmonë të drejtë, të mos bëheni favorizues, të mos ndërhyni, as të mbani anë.
Lexo edhe: Motrat dhe vellezerit na shtojne jeten, ja pse nuk duhet ta lini te vetem femijen tuaj
')}
Për të lënë një koment ju duhet të jeni regjistruar Identifikohu