Mendoni se nuk është momenti i duhur? Mendoni se tashmë ka ardhur koha të sillni në jetë një fëmijë tjetër? Po sikur djali/vajza e madhe të mos e pranojë? Përse të mos i largoni këto dyshime dhe të ndërmerni këtë hap të madh duke lexuar sinjalet e fëmijës tuaj?

 Ai luan shpesh me një arush pellushi me të njëjtën gjatësi dhe karakteristika fizike si të vetat. Ai kujdeset për të, luan, zihet, e quan vëllain apo motrën e tij më të vogël.

 Flet vazhdimisht në lidhje me lojërat që organizojnë në kopësht apo shkollë, lojëra të cilat kanë në qendër marrëdhënien vëlla-motër dhe përkujdesjen ndaj njëri-tjetrit.

 Nuk ulet në tavolinë të konsumojë një vakt nëse nëna nuk ka vendosur ushqim edhe për lodrën e tij të preferuar, të cilën sigurisht që do ta ketë pranë edhe në këtë moment.

 Kërkon shpesh të ftojë miqtë e tij në shtëpi.

 Është kurioz nëse shikon një të porsalindur si edhe tregohet si mbrojtës ndaj tyre.

 Në momentin që nëna vendos në punë fshesën e korrentit ai fillon të “luftojë” me të, apo edhe me ndonjë pajisje tjetër elektroshtëpiake.

 Është shumë i dashur me fëmijët e tjerë, i përqafon ata shpesh si edhe do të kalojë kohë me ta.

 Pyet shpesh në lidhje me mënyrën si lindin fëmijët.

 Ka shumë dëshirë të ketë pranë familjarët e tij, si për shembull gjyshërit, kushërinjtë, tezet apo dajat etj.

 Nuk ka aspak dëshirë të largohet nga parku nëse atje ka ende fëmijë duke luajtur.

Lexoni edhe: Te gjitha perfitimet e te pasurit nje moter apo vella me te madh