Nuk ka rëndësi nëse tashmë fëmija yt është i rritur, kur vjen puna tek bebet të gjithë duam të mësojmë më shumë. Bota e tyre është e mbushur plot mistere, dhe duket se çdo ditë mësojmë dicka të re. Dhe le ta bëjmë këtë edhe sot.

Disa kuriozitete…

• Sytë e të porsalindurit janë rreth 25 herë më të vegjël se të së rriturve. Ata mund të shikojnë objekte deri në 20-25 cm largësi nga fytyra e tyre.
• Dëgjimi është e vetmja shqisë që zhvillohet që në barkun e nënës, dhe përkatësisht në mesin e shtatëzanisë.
• Fëmija është në gjendje të shijojë në mënyrë më të mprehtë një ushqim, dhe kjo e shpjegon edhe rrudhjen e fytyrës në momentin që provon një ushqim të ri. Papilat e shijimit janë rreth 10.000 tek bebet dhe 5.000 tek personat e rritur.
• Ata kanë më shumë kocka se një i rritur. Një bebe ka 300, ndërkohë që një person i rritur ka 206.
• Edhe pse kanë një trup të vogël, të porsalindurit kanë rrahje më të shpeshta zemre. Në lindje frekuenca kardiake është rreth 180 rrahje në minutë, dhe më pas shkon në 140. Në vitin e parë të jetës shkon 115 rrahje.
• Ata kanë kaluar 9 muaj brenda lëngut amniotik. Për ta është shumë natyrale të mbajnë frymën ndërsa janë në ujë.
• Ai është në gjendje të njohë nënën që në momentet e para pas lindjes, nga zëri dhe aroma saj. Të gjithë të tjerët, duke përfshirë këtu edhe babain, duhet tëp resin disa javë për t’u njohur si persona jo të huaj.
• Ai është i varur nga nëna dhe aroma e saj.
• Një bebe është në gjendje të buzëqeshë duke filluar që nga java e 4 e jetës.
• I thoni fëmijës tuaj “jo”? Kini durim! Ai e njeh kuptimin e kësaj fjale vetëm rreth muajit të 11 të jetës dhe fillon ta përdorë 1 muaj më vonë.

Lexoni edhe: Kur ndryshon ngjyra e syve te femijeve?