Shikimi i bebeve si edhe ngjyra e syve përbën një nga shqetësimet më të mëdha të prindërve, të cilët e pyesin shpesh veten se kur do të jetë në gjendje fëmija i tyre të shikojë si edhe kur do të bëhet përfundimtare ngjyra e syve të tij. Le të shohim se si zhvillohet shikimi i të porsalindurve duke filluar nga analizimi i ngjyrës së syve.
Ngjyra e syve tek të porsalindurit
Para se ngjyra e syve të bëhet përfundimtare, duhet të kalojnë disa muaj. Pra nëse gjatë muajve të parë ngjyra e tyre do tëjetë gri-bojëqielli, shumë shpejt mund të mos jetë më e tillë. Sytë e bebeve e kanë një ngjyrë të tillë sepse melanocitet e pranishme tek irisi i syve nuk prodhon ende melaninë, e cila do të formojë ngjyrën e syve. Diçka e tillë do të ndodhë me kalimin e muajve.
Bebi në muajin e parë të jetës
Gjatë muajit të parë të jetës bebja është shumë delikat, dhe zhvillimi ec me ritme shumë të ngadalta. Një prej pyetjeve që prindërit i bëjnë shpesh vetes është: “A është në gjendje të shikojë bebja ime”? Të gjithë prindërit duhet të dinë se gjatë javëve të para të jetës shikimi i fëmijës nuk është ende i formuar mirë. Ai është në gjendje të shikojë vetëm në një distancë prej 20-25 cm, distancë që përmirësohet me kalimin e ditëve.
Kur fillojnë të shikojnë të porsalindurit?
Gjatë dy muajve të parë bebet mësojnë të praktikojnë muskujt okularë në mënyrë që të jetë në gjendje të fiksojë një send që është i interesuar si edhe ta ndjekë atë me sy. Nga muaji i 3-të bebet fillojnë të shikojnë në mënyrë më të qartë, dhe pas kësaj periudhe shikimi i tyre mund të jetë në gjendje të kapë objekte nga dy kënde. Zhvillimi i shikimit së të porsalindurve shpesh lidhet edhe me daljen e lotëve tek fëmija, por në të vërtetë kjo mund të jetë sinjali se kanali i lotit të fëmijës është i bllokuar. Në rastet e tjera është krejtësisht fiziologjike dhe nuk ka asgjë për t’u shqetësuar.
Artikuj te ngjashem: Zhvillimi i syve te femijet
Për të lënë një koment ju duhet të jeni regjistruar Identifikohu