Një dietë e pasur me kafe, fruta dhe perime mund të mbrojë kundër kancerit të gjirit, thotë një studim i fundit.
Shkencëtarët kanë gjetur dëshmi të një efekti mbrojtës nga një dietë plot me acide fenolike në rrezikun e kancerit të gjirit pas menopauzës.
Acidet klorogjenike, një lloj i caktuar i acidit fenolik që gjendet tek kafeja, frutat dhe perimet kanë pasur efektin më të fortë.
Studimi u drejtua nga një ekip akademikësh nga Universiteti i Navarrës dhe Universiteti i Jaen në Spanjë.
Ata vëzhguan lidhjen midis acideve fenolike, duke përfshirë acidet hidroksikinamike dhe hidroksibenzoike, dhe kancerin e gjirit në 11,028 gra.
Gjatë një vëzhgimi mesatar prej gati 12 vjetësh, studiuesit gjetën 101 raste të kancerit të gjirit në mesin e grupit të grave.
Të gjitha gratë kishin përfunduar një pyetësor ushqimor në fillim të studimit duke thënë se sa shpesh kishin konsumuar 136 artikuj të ndryshëm ushqimorë.
Marrja e tyre e acideve fenolike u llogarit duke u përputhur të dhënat e konsumit të ushqimit nga pyetësori me një bazë të dhënash mbi përmbajtjen e acidit fenolik të çdo ushqimi.
Studiuesit i ndanë gratë në tri grupe sipas marrjes së acideve fenolike.
Ato me konsumin më të lartë të acideve hidroksicinamike kishin një rrezik prej 62 për qind më pak për kancerin e gjirit krahasuar me ato gra që kishin konsumuar pak acide të tilla.
Hulumtuesit arritën në përfundimin se: “Një konsum më i lartë i acideve hidroksicinamike, veçanërisht nga acidet klorogjenike, të pranishme tek kafeja, frutat dhe perimet, zvogëlojnë rrezikun e kancerit të gjirit pas menopauzës”.
Lexo edhe: Sa jane mundesite qe te prekemi nga kanceri i gjirit ne shtazani?
Për të lënë një koment ju duhet të jeni regjistruar Identifikohu