Nëse bëni shumë fotografi selfie çdo ditë, kur dilni dhe madje kur jeni në shtëpi, dhe sidomos t’i publikoni në rrjetet sociale, mund të rrisni rrezikun për t’u bërë narcisistë. Kjo del nga një studim nga shkencëtarët në Universitetin e Swansea (UK) dhe Universitetit të Milanos.
Selfie- gjithmonë në qendër të vëmendjes
“Përdorimi i mediave sociale për publikimin e mesazheve vizuale mund të theksojë perceptimin e individëve narcistë që duan të jenë në qendër të vëmendjes, – thotë profesor Roberto Truzoli, i cili koordinoi sondazhin – mungesa e një censure social ‘e drejtpërdrejtë’ mund t’u ofrojë atyre mundësinë për të manifestuar disa aspekte të personalitetit të tyre narcist, për t’u paraqitur në një mënyrë madhështore dhe për të realizuar fantazitë e plotfuqishmërisë”.
Analiza zgjati 4 muaj
Gjatë studimit, shkencëtarët kanë monitoruar për katër muaj ndryshime të personalitetit nga 74 njerëz mes moshave 18 dhe 34 vjeç, gjithashtu duke pasur parasysh përdorimin e mediave sociale të tilla si Twitter, Facebook, Instagram dhe Snapchat. Të gjithë pjesëmarrësit e anketës (përveç një) përdorën rregullisht mediat sociale për tre orë në ditë. 60% e pjesëmarrësve përdorte çdo ditë Facebook, 25% Instagram dhe 13% Twitter dhe Snapchat. Mbi dy të tretat përdorën mediat sociale për të postuar imazhe.
Protagonizëm i tepruar
Në fund të vëzhgimit studiuesit vlerësuan se vullnetarët që postuan më shpesh fotot e tyre në internet tregouan, mesatarisht, një rritje prej 25% të tipareve narciste. Ata kanë manifestuar protagonizmin e tepruar, prezumimit të superioritetit dhe tendencës për të shfrytëzuar të tjerët. Studimi gjithashtu gjeti se ata që kryesisht përdorën mediat sociale për të postuar mesazhe verbale nuk treguan të njëjtat efekte. Sidoqoftë, në këtë grup njerëzish, niveli fillestar i narcizmit u gjet se ndikonte në përdorimin e mediave sociale: sa më shumë narcisistë ishin në fillim, aq më shumë tentonin të rritnin postimin.
Lexo edhe: Lidhja mes fotove selfie dhe paraziteve te kokes
Për të lënë një koment ju duhet të jeni regjistruar Identifikohu