Selfit ndihmojnë njerëzit të jenë më të lumtur ose të paktën lehtësojnë stresin dhe tensionin. Kjo mbështetet nga një studim i kohëve të fundit nga hulumtuesit në Universitetin e Kalifornisë Irvine në SHBA dhe të botuar në revistën mjekësore Psikologjia e mirëqenies, sipas të cilit përdorimi i smartfonit për të bërë selfie, ju ndihmon të ndiheni më mirë.

Analiza për studentët

Së bashku me disa raporte mbi efektet negative që lidhen me përdorimin e teknologjive të reja, ka edhe të tjerë që dëshmojnë për efektet pozitive. Në këtë rast të fundit, autorët e hulumtimit monitoruan zakonet e 41 studentëve të universitetit (28 femra dhe 13 meshkuj) për katër javë. Pjesëmarrësve u kërkua që të silleshin në mënyrë normale dhe të kryenin detyrat e tyre të zakonshme, të tilla si shkuarja në klasë, studimi dhe takimi me miqtë. Para fillimit të eksperimentit, megjithatë, ata duhej të shkarkonin një aplikacion të përdorur nga ekspertët në smartfone për të studiuar gjendjen e tyre gjatë shtatë ditëve të para. Në tre javët e tjera, ata kanë përdorur një tjetër aplikacion që lejon të bësh fotografi dhe të regjistrojë emocionet e tyre. Vullnetarëve iu kërkua gjithashtu që të raportonin gjendjen e tyre tri herë në ditë duke përdorur aplikimet. Në veçanti, në mbrëmje ata duhej të tregonin ngjarjet e rëndësishme që ndodhën gjatë ditës që kishin ndikuar në gjendjen shpirtërore.

Përveç kësaj, pjesëmarrësit u ndanë në tri grupe, secili prej tyre duhej të bënte një lloj tjetër fotografie: një selfie me një pozë të qeshur ose imazhin e diçkaje që i bënte ata të lumtur ose diçka që mund të bënte një person tjetër të lumtur, të cilit duhet t’i dërgonin foton.

Gjendja pozitive

Gjatë studimit, studiuesit grumbulluan pothuajse 2,900 matje të humorit të pjesëmarrësve. Në fund ata vunë re se gjatë javëve anëtarët e të tre grupeve kishin përjetuar një rritje në shpeshtësinë e ndjesisë pozitive.

Nxënësit që duhej të fotografonin objekte që i bënin të lumtur mendonin se ishin më të zhytur në mendime. Së fundi, vullnetarët që duhej të bënin fotografi për diçka që do t’i bënin njerëzit e tjerë të lumtur, bëheshin më të qetë dhe ndërveprimi i rritur me familjen dhe miqtë i ndihmonte ata të lehtësonin stresin.

Lexo edhe: Rritet numri i operacioneve plastike, por cila eshte 1 nga aryset kryesore?