Të gjithë e dini thënien e vjetër “Një foto vlen sa njëmijë fjalë”. Por a e dini se fotot vlejnë gjithashtu për të rritur ndjenjën e lumturisë personale? Sipas studimeve të reja, postimi i një fotoje në ditë në rrjetet sociale, mund të përmirësojë mirëqenien tuaj.

Hulumtuesit nga Universiteti i Lancaster zbuluan se postimi i një fotoje në ditë është mjet i vetëkënaqësisë, vetëkujdesit, ndërveprimit me persona të tjerë dhe një mundësi për të kujtuar gjërat e bukura. Postimi i fotove gjithashtu u jep mundësi njerëzve  të bëhen më të vetëdijshëm për botën përreth, sipas studimit.

Për ata që e kalojnë ditën duke ndjekur fëmijët e vegjël, duke larë enë, rroba e duke u marrë me gjithë kaosin me të cilin përballen prindërit, postimi i një fotografie, mund të rrisë disponimin dhe t’i bëjë të ndihen mirë. “Ajo mund të jetë një fotografi e plehrave, por nëse dikush ka komentuar mbi të, ajo bëhet e vlefshme”, – thotë një nga pjesëmarrësit në studim.

Por media sociale ka edhe anët e saj negative. Hulumtimet e mëparshme kanë treguar se përdorimi i Instagram, Twitter, Facebook dhe platforma të tjera të ngjashme mund të ketë gjithashtu një ndikim negativ në mirëqenien, vetëvlerësimin, vetëbesimin, veçanërisht për njerëzit që krahasojnë jetën e tyre me ato të të tjerëve. Sipas një studimi në vitin 2012, një pjesë e përdoruesvetë Facebook-ut ishin më pak të lumtur e të sigurt.

Megjithatë, vlen të përmendet se studimi i Universitetit Lancaster nuk është i vetmi që thotë se mediat sociale kanë përfitimet e tyre.

Një studim i mëparshëm zbuloi se platformat online u japin njerëzve mbështetje dhe mundësi për t’u rimëkëmbur nga traumat e dhimbjet.

Siç e tregoi një pjesëmarrëse në studim: “Nëse ndihem ndonjëherë keq, është mirë që e kam mundësinë të rikthehem pas dhe të shoh kujtime të bukura”.

Lexo edhe: 3 sjelljet ne rrjetet sociale qe demtojne marredhenien ne cift

Sorry, there are no polls available at the moment.

')}