Kur kuptova se isha shtatzënë dhe prisja trinjakë, e dija se unë do të kisha një lindje cezariane dhe isha krejtësisht në rregull me këtë. Nuk kishte rëndësi se si do të bëhesha nënë, por më në fund do të merrja këtë emër.
Nuk më është dhënë mundësia për të bërë lindje vaginale; dhe me ndershmëri, edhe nëse do të kisha mundësi të zgjidhja, sërish do të preferoja lindjen me operacion cezarian.
Për disa arsye, disa njerëz kanë këtë ide se operacioni është “mënyra më e lehtë për të nxjerrë fëmijën”. Për fat të mirë, unë nuk kam duruar shumë kritika pse bëra lindje cezariane, por njoh shumë nëna që janë kritikuar. Një operacion nuk ju bën më pak nga nënë. Dhe të gjitha lindjet janë një përfaqësim i dashurisë vërtet të pamohueshme për fëmijët tanë. Dhe kjo është ajo që duhet të nderojmë: fakti që pavarësisht nga përvoja jonë e lindjes, ne bëhemi nënat.
Infertiliteti im, barku im plagë dhe dhimbja e të qenit pa fëmijë ndryshuan ditën kur solla në jetë trinjakët e mi. Kjo shenjë në barkun tim nuk është nga zhgënjimi dhe dështimi. Nuk është një gjë për të cilën më vjen turp. Është një shenjë që tregon një histori. Një histori që portretizon shpresën. Është një shenjë që tregon fuqinë dhe forcën që mori trupi im i imët për të lindur tre foshnje në të njëjtën kohë.
Është një kujtesë se unë mund të kisha vdekur pas komplikimeve, por Zoti më dha jetë. Është një shenjë që unë gjithmonë do të zgjedh ta dua dhe ta përqafoj, sepse ishte rruga ime për të sjellë foshnjat e mia në këtë botë.
Nuk është vetëm shenja e operaconit që mbeti pas shtatzënisë time të trefishtë. Trupi im është i mbuluar me “plagë”. Plagët e mia të shpresës përfaqësojnë forcën, shpresën dhe aftësinë për të kapërcyer vështirësitë. Ato tregojnë se sa i fortë është trupi femëror dhe se është në gjendje të mbajë jetë në bark.
Unë arrij t’i shoh si të bukura këto plagë. Shpresoj që edhe ju ta arrini këtë me plagët tuaja.
#muajiindergjegjësimittëlindjesmeoperacion
Lexo edhe: Nena duke bere dush, i hapet plaga e operacionit 5 dite pas lindjes
Për të lënë një koment ju duhet të jeni regjistruar Identifikohu