Michael Jackson kohët e fundit po përflitet shumë për abuzimet seksuale ndaj të miturve, pas dokumentarit “Leaving Neverland”. Dhe tani, producenti i muzikës së Jackson, Rudi Dolezal, ka folur rreth këtyre thashethemeve, për të cilat thotë se mund të jenë të vërteta.

“Unë besoj pothuajse çdo fjalë. Është punë e shkëlqyer”, tha Dolezal për dokumentarin, në të cilin dy burra, James Safechuck, 40 vjeç dhe Wade Robson, 36, përshkruajnë se si Jackson abuzonte seksualisht me ta kur ishin fëmijë.

Ndërsa fansat besnikë të mbretit të popit i kanë quajtur gënjeshtarë dy personazhet e dokumentarit, madje disa planifikojnë t’i padisin ata.

Drejtori dhe producenti austriak, i cili së pari ka punuar me Jackson, kur filmoi turneun “Dangerous” në Mynih në vitin 1992, tha se është e lehtë të kuptohet pse dy viktimat fillimisht i mohonin abuzimet.

“Askush nuk do ta ndalonte Majkëllin. Është e vështirë të besohet se një ikonë është abuzues”, shpjegoi ai.

Dolezal e pranoi “Më vjen keq për Majkëllin”, duke cituar se si babai i këngëtarit i mësoi atij të kërcente kur ishte 4 vjeç duke e dhunuar me një plitë të nxehtë sobe nga këmbët.

Megjithatë, kjo nuk e ndaloi bashkëpunëtorin e tij ta quante përdhunues dhe tërësisht përgjejgjës për këtë prishje që po i bëhet imazhit të tij.

Dhe Dolezal nuk është i vetmi që merr një qëndrim kundër Mbretit të Popit lidhur me këtë temë kaq delikate.

Lexo edhe: Femijet, sekretet dhe si t’i mbrojme nga abuzimi seksual