Në luftën kundër mbipeshës së fëmijëve, vëmendja ndaj detajeve është e rëndësishme: madje një biberon më shumë çdo mbrëmje ose një lëng frutash në ditë më shumë mund të shkaktojë një tepricë kalorike, të proteinave, karbohidrateve të cilat, përkundrazi, duhet të shmangen që në moshë të re.
Përfshirja e figurave të ndryshme profesionale
Këtë e shpjegoi pediatrja Giuliana Valerio nga Universiteti i Napolit Parthenope, nënkryetare e Shoqatës Italiane të endokrinologjisë dhe diabetologjisë pediatrike (Siedep). Ajo sqaron se në ndjekjen e një fëmije me obezitet fëminor dhe familjes së tij, përfshirja e figurave të ndryshme profesionale është e nevojshme: trajtimi duhet të bëhet në disa nivele dhe të përfshihen profesionistë të ndryshëm”, sqaron pediatrja. Si për shembull, dietologu dhe psikologu janë figura të rëndësishme për të mbështetur tërë familjen në ndryshimin e stileve të jetesës dhe mbajtjen e tyre.
Aktiviteti fizik nxitës
Në luftën kundër mbipeshës së fëmijëve është gjithashtu shumë e rëndësishme, sqarojnë ekspertët, performanca e aktivitetit fizik, dhe jo vetëm për të balancuar numrin e kalorive që konsumohen me ato të harxhuara: ushtrimi fizik i kryer nuk ka të bëjë, në fakt, vetëm shpenzimin e energjisë “por edhe një trajnim i muskujve që çon në funksionimin metabolik dhe kardiorespirator të trupit”,- shpjegon Valerio.
Epidemia më e madhe jo infektive në të gjithë botën
Luftimi i mbipeshës së fëmijëve është një strategji për të mbajtur sa më larg sëmundjet shumë tinëzare si diabeti dhe sëmundjet kardiovaskulare: mbipesha në fakt është faktori kryesor i rrezikut për zhvillimin e këtyre sëmundjeve kronike jo të transmetueshme. Sipas Organizatës Botërore të Shëndetësisë, mbipesha është epidemia më e madhe jo-infektive e mijëvjeçarit të tretë (prek 650 milion njerëz në të gjithë botën).
Ta dini!
Obeziteti i fëmijëve është një shkak i shqetësimit shoqëror dhe në veçanti shpesh favorizon ngacmimin.
Lexo edhe: Kafeja mund të jetë sekreti për të luftuar obezitetin
Për të lënë një koment ju duhet të jeni regjistruar Identifikohu