Jamie Otis një nënë e re me vogëlushen e saj dy vjeçare ndan shumë pjesë nga jeta e saj me ndjekësit në Instagram. Së fundmi ajo po poston lidhur me trajnimin që po i bën të bijës për të mësuar të shkojë në uturak për të kryer nevojat personale.
Ky është një nga mësimet më të vështira që prindërit mund t’u japin fëmijëve dhe kërkon shumë kohë dhe Otis e di mirë këtë. Ajo ka provuar shumë mënyra vetë si dhe ka pyetur nënat e tjera për këshillat e tyre më të mira.
Por në vend që të ofronte këshilla të dobishme, një nga ndjekëset e saj vendosi të kritikojë Otis për zgjedhjen e saj, kur e lë fëmijën të bëjë çfarë mundet, nëse nuk shkon dot vetë deri te uturaku.
“Seriozisht?”, shkruajti komentuesja. “E lejon të urinojë në gjithë shtëpinë? E ku është trajnimi këtu?”
Otis e ka shpërndarë këtë koment në story, në llogarinë e saj në Instagram së bashku me një përgjigje, ku i thotë nënës në fjalë të mos përdorë këtë gjuhë me nënat e tjera, pasi ajo e ka fëmijën e parë dhe nuk ka eksperiencë në këtë fushë e për rrjedhojë nuk është eksperte.
Otis është përpjekur ta mësojë fëmijën të shkojë në tualet që nga muaji prill, me një ndërprerje në mes, siç mund t’i ndodhë çdo nëne dhe tani ka rifilluar.
Lexo edhe: Kur të panjohurit kritikojnë publikisht fëmijët
Për të lënë një koment ju duhet të jeni regjistruar Identifikohu