Qumështi është ushqimi i nevojshëm për rritjen e fëmijëve, i vetmi që i ushqen ata që nga momenti i lindjes deri vonë kur fillojnë të konsumojnë më shumë ushqime të ngurta sesa qumësht.

Por, përveçse është thelbësor për rritjen, qumështi tek fëmijët ka efekte pozitive edhe për më vonë në jetë.

Për shembull, hulumtimet tregojnë se dy gota qumështi çdo ditë ndihmojnë fëmijët të parandalojnë diabetin. Studimi i Universitetit të Teksasit i referohet veçanërisht fëmijëve të shëndoshë, të cilët nga natyra janë më të predispozuar të preken nga diabeti.

Duke qenë se fëmijët e shëndoshë janë më të ekspozuar ndaj zhvillimit të diabetit, shumë prindër kanë tendencë të heqin prej tyre disa ushqime me shumë kalori dhe yndyrë, të tilla si qumështi. Por, sipas këtij studimi prindërit janë duke vepruar në mënyrë të gabuar.

Qumështi dhe diabeti: lidhja te fëmijët mbipeshë

Hulumtuesit donin të studionin lidhjen midis konsumit të qumështit dhe niveleve të insulinës te fëmijët mbipeshë. Për ta bërë këtë, ata morën të dhëna nga 171 fëmijë mbipeshë të moshës 11 vjeçare. Të dhënat u mblodhën ndërmjet viteve 2008 dhe 2010 në qendrat e specializuara të peshave. Lloji i qumështit të konsumuar dhe sasia gjithashtu janë marrë në konsideratë.

Rezultatet e studimit

Pas analizimit të parametrave të ndryshme, studiuesit arritën në përfundimin se vetëm 44% e atyre që konsumuan më pak se një filxhan qumësht në ditë kishin nivelet e mesatares së insulinës, në krahasim me 72% të fëmijëve të cilët kanë raportuar se pinin të paktën 2 gota qumësht çdo ditë. Konsumi i ulët i qumështit tek fëmijët është i lidhur me nivele të larta të insulinës dhe prandaj mundësia e zhvillimit të diabetit është më e madhe.

Lexo edhe: Diabeti tek femijet

Sorry, there are no polls available at the moment.

')}