Konsumimi i drogës gjatë shtatzënisë është i rrezikshëm si për fëmijën dhe për nënën. Sipas disa të dhënave në Itali ka mbi 27 mijë gra të varura nga droga. Ashtu si me pirjen e duhanit, droga mund të shkaktojë pasoja shumë serioze në shtatzëni, gjë që mund të ndryshojë në varësi të drogës që merret.

Shtatzënia dhe marihuana

Sipas disa studimeve, konsumi i marijuanës gjatë tremujorit të parë të shtatzënisë nuk çon në shfaqjen e anomalive në fetus, edhe pse sot kjo teori debatohet në fushën shkencore. Në fakt, përbërësi aktiv i kësaj substance arrin të kalojë murin e placentës për të shkuar tek fetusi.  Rreziku më i madh është ai i rritjes së vonuar, por edhe i abortit.

Shtatzania dhe kokaina

Kokaina është një stimulues i sistemit nervor që arrin të kalojë placentën dhe të shkojë tek fëmija. Rreziqet në lidhje me konsumimin e kësaj substance janë aborti dhe lindja e parakohshme.  Fëmijët e grave që konsumojnë kokainë zakonisht lindin me një peshë dhe gjatësi më të ulët. Shpesh vuajnë nga paraliza cerebrale ose kanë dëmtime në shikim dhe dëgjim.

Shtatzënia dhe heroina

Varësia nga heroina është padyshim një nga më të rrezikshmet për gratë shtatzëna. Heroina kufizon rritjen e fetusit dhe mund të rezultojë në aborte ose vdekje fetale. Shumë foshnja lindin të vdekura, pas konsumimit të heroinës nga nëna.

Shtatzënia LSD dhe amfetamina

Deri më sot, efektet e LSD dhe amfetaminave në gratë shtatzëna nuk janë të qarta, edhe pse anomalitë e lindura janë gjetur tek fëmijët. Në këtë rast rreziku është i vdekjes së fetusit dhe abortit.

Shtatzënia dhe ekstazia

Studimet shkencore kanë treguar se konsumimi i ekstazisë gjatë shtatzanisë mund të shkaktojë defekte të lindjes tek fëmija, sidomos në gjymtyrët dhe zemrën, por gjithashtu shkakton dhe aborte spontane. Shumica e këtyre foshnjave lindin të vdekura.

Lexo edhe: A duhet te futet ne burg nje grua shtatzan qe eshte perdoruese e droges?

Sorry, there are no polls available at the moment.

')}