Fëmijët që lindin të gjatë, a do të jenë të gjatë kur të rriten?

Jo domosdoshmërisht. Foshnjat e gjata mund të vazhdojnë të jenë të gjatë kur të rriten, por gjenet gjithashtu kanë ndikim. Nëse ju dhe partneri juaj jeni të gjatë, atëherë edhe fëmija juaj ka gjasa të jetë i gjatë, edhe nëse lind i vogël.

Megjithatë, nuk ka garanci. Disa fëmijë kur rriten bëhen më të shkurtër se prindërit e disa më të gjatë.

Kur është ende shumë i vogël, gjatësia e fëmijës suaj nuk do të tregojë nëse do të jetë i gjatë kur të rritet.

Gjatësia e fëmijës suaj është e vështirë të matet me saktësi. Nëse fëmija juaj po rritet mirë, mjeku ndoshta nuk do të masë gjatësinë e tij. Nëse ai duket se po fiton shumë ose pak peshë, mjeku mund të masë gjatësinë e tij për të kontrolluar nëse rritja është në proporcion.

Pas moshës dy vjeçare, gjatësia e fëmijës mund të matet në këmbë dhe gjatësia pas kësaj moshe jep një tregues më të mirë sesa i gjatë do të jetë kur të rritet.

Ju mund ta krahasoni gjatësinë e foshnjës me tabelat standarde të gjatësisë.

Bisedoni me mjekun tuaj nëse keni ndonjë shqetësim rreth rritjes dhe zhvillimit të fëmijës suaj.

Lexo edhe: Gjatesia e femijes, kur duhet te shqetesoheni