Më pak betonizim dhe më shumë gjelbërim për të jetuar shëndetshëm. Të qenit në kontakt me natyrën (pyjet, por edhe kopshtet dhe parqet) ka efekte pozitive në shëndetin e fëmijëve dhe të rriturve: si fizike, por edhe mendore. Një studim i ri i kryer nga Instituti për Shëndetin Global Promovimi (ISGlobal) në Barcelonë tani sugjeron se kontakti me natyrën që mund të luajë një rol pozitiv kundër rënies së aftësive njohëse.
Efektet fillojnë gjatë fëmijërisë
Hulumtimi, i botuar në Gazetën Ndërkombëtare të Kërkimit të Mjedisit dhe Shëndetit Publik, u krye në një grup prej 3.600 të rriturish nga katër qytete të ndryshme evropiane dhe zbuloi se të rriturit që kaluan më pak kohë jashtë në fëmijërinë e tyre , arritën rezultate më të ulëta në testet psikologjike që iu nënshtruan. Studiuesit mblodhën informacione mbi ekspozimin ndaj gjelbërimit gjatë fëmijërisë nga pyetësorët, ku pjesëmarrësve u ishte kërkuar të tregonin shpeshtësinë e ekskursioneve në pyll, vizitat në parqet e qyteteve dhe kohën e lirë të kaluar duke luajtur në oborr.
Më pak stres dhe depresion
Ekspertët hetuan gjithashtu përvojën e muajit të kaluar, veçanërisht në lidhje me nervozizmin, depresionin, nivelet e energjisë dhe lodhjen. Rezultatet më të këqija u gjetën midis atyre që, si fëmijë, kishin kaluar më pak kohë jashtë. Një rezultat i denjë për reflektim në një kohë kur 73 përqind e popullsisë evropiane jeton në zona të urbanizuara; një normë që, deri në vitin 2050, pritet të rritet në 80 përqind.
Ta dini!
Studimi ka nxjerrë në pah nevojën për një planifikim urban të qëndrueshëm dhe miqësor ndaj fëmijëve, me zgjidhje për rritjen e gjelbërimit gjithashtu si një strategji për të zvogëluar ndotjen e ajrit dhe efektet e tij.
Lexo edhe: Kopshtaria mund t’ju rrisë jetëgjatësinë deri në 100 vjeç
Për të lënë një koment ju duhet të jeni regjistruar Identifikohu