Ndërkohë që doktorët e thonë qartë se të gjithë mbi moshën 6 mujore duhet të vaksinohen kundër gripit, një nga argumentat që përdorin prindërit të cilët nuk i vaksinojnë fëmijët e tyre është se vaksina mbulon vetëm lloje specifike të virusit. Ata argumentojnë se përse duhet që fëmija ti nënshtrohet gjithë atij proçesi të dhimbshëm e stresues, nëse vaksina mund të mos funksionojë. Shkencëtarë nga Oxfordi, po punojnë për të rregulluar pikërisht këtë problem, për të krijuar vaksinën e parë universale kundër gripit.
Vaksina kunder gripit ndryshohet çdo vit për t’ju përshtatur virusit që është në qarkullim. Prodhuesit e prodhojnë vaksinën duke përdorur proteinat e gjendura në sipërfaqen e virusit dhe vaksina e bën punën duke rritur sistemin tuaj imunitar, por këto proteina në siperfaqen e virusit janë në ndryshim gjithmonë.
Ngaqë versioni i diteve të sotme të vaksinës nuk ofron mbrojtje maksimale për ata që kanë një sistem imunitar të dobët, shkencëtarët vendosën të bëjnë një vaksinë që vë nën shënjestër atë pjesë të virusit që nuk ndryshon. Në vend të përdorimit të proteinave nga sipërfaqja e virusit ata po përdorin proteina nga bërthama e tij dhe në vend se të shtojë antitrupat, kjo vaksinë do të shtojë qelizat T që vrasin virusin.
Vaksina e re do të zgjasë më shumë se vaksina vjetore që përdoret në ditët e sotme. Ne po shpresojmë, që kjo vaksinë të mund të zgjasë 2 deri në 3 vjet, mbase edhe 4 por përfundimi do të tregojë se sa mund te zgjasë mbrotja nga Gripi: tha Tom Evans, shef ekzekutiv i këti projekti.
Vaksina sapo ka kaluar me sukses një provë të vështirë, provën klinike, duke u bërë vaksina e parë universale kundër gripit që e kalon këtë provë. Faza tjetër është testimi në 500 pacient dhe brenda 2 viteve vaksina do të jetë testuar në mbi 2000 persona .
Lexoni dhe: Propozohet vaksina per mbrojtjen e dhembeve
')}
Për të lënë një koment ju duhet të jeni regjistruar Identifikohu