Shkencëtarët në Akademinë e Shkencave në Kinë janë duke zhvilluar një vaksinë për kavitetet. Kjo vaksinë e cila nuk është aprovuar ende për prova tek njerëzit, potencialisht mund të mbrojë dhëmbët e fëmijëve nga gërryerja.  Kavitetet të cilat shkaktohen nga një acid që prodhohet nga bakteria e quajtur Stroptokokus mund të ndalohen. Shkencëtarët zbuluan se duke e përzier këtë bakter me disa proteina  mund të bëhet e mundur mbrojtja e dhëmbëve nga gërryerja. Kjo gjë gjithashtu mund të mbrojë dhe buxhetin tuaj.
Kavitetet janë 4 herë më të shpeshta se obeziteti në fëmijëri si dhe 20 herë më të shpeshta se diabeti.Disa raporte tregojnë që kavitet  janë element i zakonshëm i fëmijërise. Përveçse dhimbjes që shkaktojnë ato gjithashtu vijnë me një çmim të lartë nga ana ekonomike. Edhe pse të gjithë mund të preken nga kavitetet, statusi socio-ekonomik i një personi luan një rol të madh. Familjet e varfëra priren të kenë një dietë më të keqe, gjë që i bënë ata më të rrezikuar nga kavitete. Në fakt fëmijët e moshës 2 deri në 5 vjeç që vijnë nga familje me të ardhura të ulta kanë rrezikun më të lartë të prekjes nga kavitete.
Asnjë lloj ilaçi apo kujdesi, sado i mire për dhëmbët, nuk mund t’ju mbrojë plotësisht nga shkaktari kryesor i kaviteteve i cili është sheqeri. Larja dhe kujdesi për dhëmbët ndikojnë shumë në parandalimin e kaviteteve por mënyra e vetme, e sigurt kundër tyre është limitimi i sheqerit.
Nëse kjo vaksinë arrin rezultate të suksesshme mund t’ju kursejë shumë para familjeve, sidomos atyre familjeve  që nuk e kanë mundësinë ekonomike për vizitat e shtrenjta dentare.

Lexoni dhe: Rendesia e kujdesit per dhembet 

')}