A do të flejë më lehtë fëmija nëse i filloj ushqimet e ngurta?

Jo. Aftësia e fëmijës suaj për të fjetur gjatë natës varet më shumë nga mosha e tij, dhe nga rutina e tij e gjumit, sesa nga ajo që ha gjatë ditës.

Fëmija juaj nuk ka nevojë për ushqime të ngurta për të ndihmuar atë të flejë. Në fakt, ekspertët rekomandojnë që ju të mos i jepni ushqimet e ngurta fëmijës tuaj derisa ai të jetë gjashtë muajsh.

Disa nga nënat besojnë se fillimi i fëmijës së tyre në ushqime të ngurta para gjashtë muajve mund të ndihmojë një fëmijë të vogël për të fjetur më mirë gjatë natës.

Megjithatë, studimet kanë treguar se foshnjat që hanë ushqime të ngurta në një moshë të hershme, nuk flenë më mirë sesa foshnjat të cilëve nuk u jepen ushqime të forta. Kjo përfshin vendosjen e drithërave në biberon.

Nëse mendoni që fëmija juaj është i gatshëm për ushqime të ngurta përpara se të jetë gjashtë muajsh, bisedoni me mjekun që ndjek bebin tuaj.

Megjithatë, secili prind e kupton më mirë nga eksperienca se çfarë funksionon më mirë për fëmijën e tij që të bëjë gjumë të qetë e të rehatshëm.

Lexo edhe: Si ndikojne ushqimet e ngurta ne gjumin e foshnjes?