Një fëmijë që vuan nga keqtratjimet, ka më shumë gjasa që të ketë probleme të varësisë nga kokaina kur të rritet. Lajmi vjen nga një studim i kryer nga Saint Lucia Fondacionit IRCCS në Romë në bashkëpunim me Universitetin e Romës “La Sapienza” dhe “Tor Vergata”, se traumat e përjetuara në fëmijëri sjellin ndryshime në sistemin imunitar dhe qarqet nervore që rregullojnë gjendjen shpirtërore dhe funksionet njohëse, duke i ekspozuar ndaj rrezikut më të madh të varësisë ndaj këtij lloji të drogës.

Ndryshime në sistemin imunitar

Hulumtuesit ekzaminuan 40 pacientëqë po trajtoheshin për çrregullime varësisë kokainës, duke vënë në dukje se marrja e drogës ka shkaktuar një ndryshim në funksionimin e sistemit imunitar dhe se ky ndryshim është shënuar sidomos te ata që kishin vuajtur abuzime dhe dhunë gjatë fëmijërisë.

Rritja e rrezikut të varësisë

Valeria Carola, studiuese shpjegon se: “Abuzimi i fëmijëve, veçanërisht emocional, stresi bën që fëmija të aktivizojë një përgjigje inflamatore jo normale dhe të ndryshojë maturimin e sistemit imunitar me një modifikim të përhershëm të funksionimit të tij “. Kjo ndjeshmëri e veçantë e bën fëmijën më të ekspozuar ndaj rrezikut të varësisë kokainës dhe rrit rrezikun e sëmundjeve të sistemit nervor qendror.

Jo vetëm predispozitë gjenetike

Studimi vjen nga dëshira për të kontribuar për një ndryshim në kërkimin e shkaqeve të varësisë: “Më parë, shpjegojnë studiuesit, supozohej se predispozita gjenetika e individit luante rol kyç, gjë që jepte pak shpresa për shërim. Sot ne po shohim gjithnjë e më shumë rolin kyç të faktorëve mjedisorë që nëpërmjet mekanizmave të modifikimit të ADN-së, janë në gjendje të ndryshojnë funksionet e caktuara të organizmit “.

Ta dini!

Marrja e kokainës shkakton varësi të fortë fizike dhe mendore dhe konsumimi i dozave të tepërta mund të çojë në konvulsione dhe delir.

Lexo edhe: Traumat ne adoleshence demtojne zhvillimin e trurit