Dhimbja e periodave ose dismenorrhea primare, prek të paktën gjysmën e femrave që kanë menstruacione dhe mendohet se shkaktohet nga prania e kimikateve të quajtura prostaglandinat.

Prostaglandinat shkaktojnë ngushtimin e enëve të gjakut në mitër, gjë që pengon oksigjenin që të arrijë indin e mitrës, duke shkaktuar dhimbje.

Ushtrimet në përgjithësi mendohet të nxjerrin jashtë këto kimikate, duke rritur furnizimin e mitrës me gjak të pasur me oksigjen.

Zumba, e cila është një mënyrë trajnimi mjaft në modë është edhe tërheqëse për gratë, thonë studiuesit.

Hulumtimi u krye nga Universiteti i Kajros në Egjipt. Dismenorrhea primare përkufizohet si dhimbje menstruale që ndodh menjëherë para ose gjatë gjakderdhjes menstruale.

Gratë më të reja në moshë janë më të rrezikuara nga dhimbja dhe mund të kenë gjithashtu luhatje humori, diarre dhe madje edhe të vjella.

Ilaçet anti-inflamatore jo-steroide, si aspirina, rekomandohen si trajtimi i duhur.

Por kërkimet thonë se një e katërta e grave refuzojnë të marrin këto trajtime dhe janë gjithnjë e më shumë të prirur për lehtësim duke mos u varur nga ilaçet por duke bërë yoga, masazh apo meditim.

Studiuesit analizuan 98 gra, të moshës 18 deri 25 vjeç, të cilat ishin diagnostikuar me dysmenorrhea primare.

Forma primare e këtij problemi ndodh kur dhimbja është e pranishme gjatë çdo cikli menstrual dhe nuk vjen për shkak të ndonjë çrregullimi tjetër.

Dismenorrhea e mesme përcaktohet si siklet që shkaktohet nga një problem në organet riprodhuese të një gruaje, të tilla si endometrioza ose fibroidet.

Gratë u ndanë në dy grupe, me 49 të parat që morën pjesë në një orë mësimore Zumba një herë në javë për dy muaj.

Pjesëmarrësit e mbetur, 49 të dytët, nuk e kryen këtë aktivitet.

Rezultatet zbuluan se gratë që bënin Zumba përjetuan më pak dhimbje pas katër dhe pas tetë javë.

Dhe kohëzgjatja e dhimbjes gjithashtu ishte ulur.

Klasat e Zumbave u perceptuan gjithashtu si të sigurta dhe pa asnjë efekt anësor.

Lexo edhe: Pesë mënyra për të përballuar dhimbjet menstruale