Dhimbjet e ciklit menstrual janë të zakonshme tek të gjitha vajzat dhe gratë. Ndonjëherë dhimbjet fillojnë pak para ciklit dhe në disa raste gjatë periudhës menstruale. Këto dhimbje përgjithësisht janë të vendosura në pjesën e poshtme të barkut ose në shpinë. Në varësi të intensitetit të dhimbjes, për disa gra mund të jetë vetëm një shqetësim i bezdisshëm, ndërsa për disa të tjera arrin deri aty sa kufizon aktivitetet e përditshme për ditë me radhë.

Në mungesë të shkaqeve specifike, dhimbjet menstruale priren të ulen me kalimin e moshës dhe përgjithësisht pas lindjes.

Simptomat:

• Dhimbje konstante të barkut;

• Dhimbje e shpinës dhe kofshëve;

Në disa raste dhimbjet e ciklit menstrual mund të shoqërohen me:

• Marramendje;
• Të përziera;
• Dhimbje koke;
• Diarre.

Nëse cikli ju vjen për herë të parë dhe dhimbjet janë shumë të forta nuk ka arsye pse të shqetësoheni.  Por nëse dhimbjet janë aq të forta dhe ndikojnë në aktivitetet normale për disa ditë në muaj është mirë që të konsultoheni me një mjek.

A mund të shkaktojnë dhimbjet gjatë ciklit menstrual komplikacione shëndetësore?

Në përgjithësi dhimbjet e ciklit menstrual nuk shkaktojnë komplikacione shëndetësore, por mund të shkaktojnë shqetësime të tilla që të ndërhyjnë në aktivitetet e përditshme (shkolla, puna, marrëdhëniet sociale). Megjithatë, nëse dhimbjet menstruale mund të shfaqin probleme ne organizem mund të ndodhin ndërlikime mjekësore që lidhen me disa sëmundje kryesore.

Për shembull, në rastin e sëmundjes inflamatore pelvike (PID), tubat fallopiane mund të dëmtohen, dhe rrezikojnë që shtatzania të zhvillohet jashtë mitrës.  Ose në rastin e endometriozës, mund të lindin probleme të fertilitetit.

Shkaqet

Prostaglandinat (ndërmjetësuesit inflamatorë, dmth kimikatet që shkaktojnë inflamacion), në varësi të nivelit të tyre, mund të rrisin inflamacionin, duke shkaktuar tkurrje të muskujve të mitrës.  Që do të thotë sesa më i lartë niveli i prostaglandinëve dhe aq më i madh është intensiteti i dhimbjes menstruale.

Kontraktimet e forta mund të kompresojnë enët e gjakut që furnizojnë mitrën, duke ulur ndjeshëm furnizimin me gjak.  Në këtë situatë ndjenja e dhimbjes është shumë intensive.

Lexo edhe: A mund te ndodhe ovulacioni me shume se njehere gjate nje cikli?

Sorry, there are no polls available at the moment.

')}