Si e ndryshon fëmija martesën tuaj? Mos shpresoni se do ta rregullojë!

0 0

Lindja e një fëmije nuk do ta “rregullojë” marrëdhënien tuaj. Jo!

Përkundrazi, do ta vërë në provë.

Kaloni kohë tani së bashku, bëni biseda të gjata, flini, rrini zgjuar, jetoni intimitetin tuaj, hani bashkë.

Tani keni nevojë më shumë se kurrë për këto, në mënyrë që kur të vijë foshnja e të jeni zgjuar në tre të mëngjesit, të keni këto momente të bukura për të kujtuar.

Keni nevojë për këto kujtime, që kur të zemëroheni me njëri-tjetrin ta kuptoni se është thjesht çështje momentale, pasi ju e dini se e keni përjetuar bashkë ndjenjën e vërtetë për njëri-tjetrin.

Ju keni nevojë që partneri të vlerësojë me të vërtetë sakrificën që bën secili prej jush, pavarësisht nëse qëndron në shtëpi apo në punë, është rraskapitëse dhe në të vërtetë është qesharake që keni menduar se keni qenë të zënë e të ngarkuar para lindjes së fëmijëve.

Ju duhen, sepse ndonjëherë kur nuk e njihni njëri-tjetrin nën maskat e lodhjes dhe rrobave që nuk ndërrohen për disa ditë, të paktën mund të njihni vlerën e vërtetë, thelbësore të njëri-tjetrit.

Ju keni nevojë për to sepse muajt e parë, madje edhe vitet mund të jenë më të vështirat në marrëdhënien tuaj.

Mbrëmjet në divan kur ju mezi do të flisni me njëri-tjetrin duke menduar se çdo zhurmë është foshnja që zgjohet.

Mes njërës dalje për argëtim dhe një tjetre, mund të kalojnë javë, muaj, ose mund të mos dilni edhe fare.

Bisedat që dikur kishin të bënin me një pafundësi tematikash, tani do të mbeten në pikën që nuk keni kohë.

Do t’ju zërë gjumi me telefon në dore, duke harruar të thoni edhe natën e mirë.

Jo, lindja e një fëmije nuk do ta rregullojë marrëdhënien tuaj, por do të përforcojë gjihçka që tashmë ekziston mes jush dhe do t’ju lidhë më fort me njëri-tjetrin, nëse keni durimin ta lejoni.

Mos harroni se kush ishit, kështu që vlerësoni se sa larg keni arritur, si miq, si të dashur, si prindër, si një skuadër.

Lexo edhe: Si i zgjidhin konfilktet çiftet që kanë marrëdhënie të shkëlqyer?






Për të lënë një koment ju duhet të jeni regjistruar Identifikohu



Materiale te ngjashme

Letër burrit tim të alkoolizuar...

Jam ulur duke marrë rreze dielli, me dyert e hapura, ndërsa ti vazhdon të flesh. Fëmijët tanë me shumë entuziazëm kanë planifikuar se si do të fitojnë në lojën që...

Pse është kaq e rëndësishme...

Shëndeti mendor i nënës: Miti i mëmësisë për herë të dytë ... është shumë më e lehtë, ju jeni mësuar më shumë me privimin e gjumit dhe ndryshimin e një...

Rrëfimi i nënës që humbi...

Kassady Bingham është një blogere, e cila ndan rrugëtimin e saj të mëmësisë me gjithë nënat që e ndjekin në rrjetet sociale. Ajo është nëna e Lucës, e Milos, i cili...

Si të pastroni ajrin e...

Cilësia e mjedisit në shtëpi ndikon shumë në cilësinë e jetës së secilit prej nesh. Në këto kohë të vështira, në të cilat ne jetojmë në shtëpinë tonë shumë më...

Ne kemi reklame ju lutem caktivizoni adblock ne menyre qe te navigoni lehtesisht.
Faleminderit!

A keni një llogari? Identifikohu


Regjistrohu


X

Ndrysho fjalkalimin


X