loading

Marrëdhënie jo e mirë në çift? Ka një ndikim pozitiv tek fëmija

Nese jeni te pakenaqur nga marredhenia ne cift, si ndikon kjo ne marredhenien me te porsalindurin tuaj? A i ben mire apo keq atij?




0 0

Në një situatë kur çifti është i pakënaqur, fëmijët shpesh vuajnë gjithashtu. Por mund të ketë edhe disa avantazhe të papritura, të paktën te të porsalindurit. Kur marrëdhënia e çiftit kalon në krizë, në fakt, shumë gra kanë tendencë t’u kushtojnë më shumë vëmendje dhe të bisedojnë më shumë me fëmijët e tyre, veçanërisht nëse ata janë vetëm disa muajsh. Kjo rezultoi nga një studim i kryer nga një ekip studiuesish nga Universiteti i Kembrixhit, botuar në Journal of Family Psychology.

Studimi i 93 çifteve me fëmijë të vegjël

Hulumtimi përfshinte 93 çifte që kishin një fëmijë prej rreth shtatë muajsh. Autorët organizuan intervista me secilin pjesëmarrës, për të parë nëse ishin të kënaqur me jetën dhe marrëdhëniet me partnerin ose nëse po përjetonin një periudhë krize. Ata gjithashtu ftuan prindërit të bashkëngjisnin një pajisje regjistrimi në rrobat e fëmijës. Qëllimi ishte të kuptohej se sa shpesh nëna dhe babi biseduan me fëmijën e tyre gjatë ditës dhe nëse ky ndërveprim ndikohej disi nga niveli i pakënaqësisë së çiftit.

Analiza e rezultateve konfirmoi që në mënyrë efektive komunikimi midis prindërve dhe bebeve ndryshon me marrëdhëniet midis prindërve. Në veçanti, ishte marrëdhënia nënë-fëmijë që u ndikua nga niveli i kënaqësisë së çiftit. Si? Sa më shumë të pakënaqura të ishin gratë nga jeta e tyre e dashurisë, aq më shumë bisedonin me fëmijën e tyre. Në detaje, kemi parë që gratë të cilat kishin një lidhje me cilësi “të ulët” me bashkëshortet e tyre, përdorën 35% më shumë fjalë kur bisedonin me fëmijët gjatë ditës sesa ato me një marrëdhënie me cilësi “mesatare”. Jo vetëm kaq. Mesatarisht, ata filluan rreth 20% më shumë biseda me fëmijët e tyre, veçanërisht nëse ata ishin djem.

Pavarësisht lidhjes së çiftit, nënat dhe baballarët duhet të përpiqen të flasin sa më shumë që të jetë e mundur me fëmijët e tyre, që në moshë të vogël. Ndërveprimet me prindërit, në të vërtetë, u shërbejnë fëmijëve jo vetëm për të forcuar lidhjen emocionale me ta, por edhe për të “stërvitur” aftësitë gjuhësore.

Lexo edhe: Çifti që jeton në shtëpi të ndara


Për të lënë një koment ju duhet të jeni regjistruar Identifikohu



Materiale te ngjashme

Familja më e madhe në...

Angli, zgjerohet familja Redford Njerëzit kanë pasione të ndryshme, por ka nga ata që kanë pasion të bëjnë fëmijë. Po, sepse familja Radford nuk ndalet: për familjen angleze, fëmija njëzet...

I dashur bashkëshort nuk ndihem...

Dashuria ime, Rri këtu me mua. Këto ditë janë të vështira, shumë të vështira. Punojmë shumë çdo ditë për të rritur katër fëmijët tanë që janë më të vegjël se...

21 pyetje për bashkëshortin në...

Kur familja mblidhet bashkë pas një dite të gjatë e të ngarkuar, është mëse e zakontë që të pyesim njëri-tjetrin si e kaluam ditën. Por, një pyetje e tillë, ndoshta...

“Ne nuk kemi pse ngjajmë...

Kjo familje e re dëshrion t'ju bëjë të ditur që "ata nuk kanë pse ngjajnë". Rrugëtimi i tyre i prindërimit ishte shumë i ngadaltë, por krejt papritur u bënë prindër...

Ne kemi reklame ju lutem caktivizoni adblock ne menyre qe te navigoni lehtesisht.
Faleminderit!

A keni një llogari? Identifikohu


Regjistrohu


X

Ndrysho fjalkalimin


X