Shkatërrohet rrjeti i trafikantëve, linin vajza shtatzanë dhe u shisnin fëmijët: çmimet për vajzat dhe për djemtë

Policia ne Nigeri ka zbuluar nje rrjet trafikantesh qe merrnin vajzat, i linin shtatzane dhe i shisnin femijet. Ne krye te gjithe kesaj qendronte nje grua, e cila ishte nene e pese femijeve.




0 0

Një ngjarje e rëndë e zbuluar nga një operacion policior ka tronditur mbarë opinionin publik në gjithë botën pak ditë më parë.

Policia shpëtoi 19 vajza dhe gra shtatzëna që ishin rrëmbyer dhe dhunuar në Lagos në Nigeri në vendin e quajtur “fabrika e fëmijëve“. Mes shumë faktesh trishtues e tronditës të kësaj historie, është edhe fakti se në krye të këtij rrjeti trafikantësh ishte një grua.

Shumica e grave, të moshës midis 15 dhe 28 vjeç, u rrëmbyen dhe u lanë shtatzanë me forcë, me qëllim që pas lindjes, foshnjat e tyre të mund të shiteshin për përfitimin e personave të implikuar në këtë çështje.

Vajzave iu ishte premtuar punësimi si punëtore shtëpiake në Lagos, qyteti më i madh i Nigerisë.

Por, realiteti i hidhur ishte që u mbajtën në këto zona dhe u përdorën si skllave për marrëdhënie intime, u detyruan gjithashtu të sillnin në jetë fëmijë, të cilët më pas u shitën.

Gruaja që drejtoi operacionin, e njohur si Zonja Oluchi, u arratis pak para operacionit policor.

Zonja Oluchi dyshohet për trafikimin e vajzave nga rajonet jug-lindore në Lagos.

Një zëdhënës i policisë tha që oficerët kishin arrestuar dy gra të tjera, të cilat punonin si infermiere pavarësisht se nuk kishin trajnime mjekësore.

Pasi lindjes së vajzave dhe grave, fëmijët e tyre dërgoheshin në një nga tre rajonet e mëtejshme, ku u shiteshin blerësve.

Zonja Oluchi dyshohet se shiste foshnjat djem për 1,121 dollarë dhe vajzat për 672 dollarë. Përveç krimit shumë të rëndë e shkeljes ligjore, kemi të bëjmë edhe me një diskriminim ndaj gjinisë femërore, ende pa ardhur në jetë.

Autoritetet kanë nisur kërkimet për të dyshuarën, e cila vetë është nënë e pesë fëmijëve.

Një zëdhënës i policisë tha që autoritetet po punonin për të rehabilituar gratë e reja të shpëtuara.

Lexo edhe: Mami nuk e lindi motrën…një histori rrëqethëse në Tiranë



Për të lënë një koment ju duhet të jeni regjistruar Identifikohu



Materiale te ngjashme

Përdorimi i zgjatur i smartfonit...

Përdorimi i shumtë i celularit duket se ka pasoja të rëndësishme në dhimbjen e kokës. Kjo lidhje zbulohet nga një studim indian i botuar në revistën Neurology Clinical Practice. Rezultatet...

Abuzimi me të miturën nga...

Abuzimi seksual me 15-vjeçaren nga roja e shkollës ka marrë gjithë vëmendjen mediatike ditët e fundit. Pedagogia e gazetarisë Iris Luarasi ka reaguar ashpër në emisionin “Open” në Top Channel,...

A jemi vërtet aq lart...

Bota e sotme e ka ngritur debatin politik, ekonomik e social në një nivel shumë të lartë ku flasim për rroga bashkëkohore, për implementim të teknologjive që na lehtësojnë punën...

Ideja e këtij burri për...

Ideja dhe nisma e një babai është bërë virale këtë javë, pasi ai ka gjetur një mënyrë për të ndihmuar miliona njerëz që të kenë se ku të drejtohen për...

Ne kemi reklame ju lutem caktivizoni adblock ne menyre qe te navigoni lehtesisht.
Faleminderit!

A keni një llogari? Identifikohu


Regjistrohu


X

Ndrysho fjalkalimin


X