Mëngjësi i sotëm ka ardhur me një lajm të trishtë për një familje në Elbasan dhe tronditës për gjithë qytetarët. Një vogëlushe 3-vjeçare ka ndërruar jetë në spitalin rajonal të Elbasanit. Burime pranë spitalit konfirmojnë se fëmija është paraqitur në spital me temperaturë të lartë dhe shenja të gripit stinor.

Mjekët e kanë mbajtur nën vëzhgim dhe për shkak të komplikacioneve ka ndërruar jetë në orën 02:00 të mëngjesit të sotëm.

Teksa pritet një përgjigje përfundimtare nga ekspertiza mjeko-ligjore për përcaktimin e shkakut të humbjes së jetës, dyshohet paraprakisht se fëmija vuante nga bronkopneunomia.

Vajza është kuruar në shtëpi për disa ditë, gjë që e konfirmon edhe i ati i saj.

“Deri dy vjeç e gjysmë s’sështë sëmurë asnjëherë. U sëmur para një jave, e solla për vizitë para dy-tre ditësh, doktori tha virozë. Më dha një qese me ilaçe edhe e çova në shtëpi dje, u bo goca keq ju nxi buza. E çova prapë në spital, mori dy bidona me serum dhe goca vdiq. Kishte gati 8-9 ditë që vuante dhe s’ka qenë në këtë gjendje. Kur u bë në këtë gjendje e solla për vizitë dhe mjeku tha që është virozë dhe më dha ilaçe dhe kaq. S’na kanë thënë asgjë pse vdiq vajza, s’na kanë thënë asgjë”, shprehet i ati pas humbjes së madhe.