Vuajtja nga fibrilacioni atrial mund të nënkuptojë një rrezik më të madh të zhvillimit të problemeve mendore. Ky është rezultati i një studimi të botuar në Gazetën Evropiane të Zemrës nga një grup studiuesish të udhëhequr nga Boyoung Joung nga Kolegji Universitar Yonsei i Mjekësisë në Seul (Republika e Koresë), sipas të cilit fibrilacioni atrial (çrregullimi kardiak që shkakton ndryshimin të ritmit të zemrës) është i lidhur me një probabilitet më të lartë të zhvillimit të patologjive që lidhen me rënien e aftësive konjitive.

Rregullim i ritmit të zemrës

Fibrilacioni atrial është problemi i ritmit të zemrës: rrit rrezikun e goditjes në tru dhe probleme të tjera mjekësore. Tashmë ishin të njohura studimet e tjera të mëparshme që kishin nxjerrë në pah lidhjen midis këtij problemi që ndikon në zemër dhe zhvillimit të problemeve njohëse.

Rritja e rrezikut

Studiuesit ndoqën afro 263,000 individë për rreth 9 vjet, të gjithë të shëndetshëm në fillimin e studimit. Gjatë hulumtimit u diagnostikuan më shumë se 10 mijë raste të fibrilacionit atrial; pas kësaj diagnoze, 24.4% e pacientëve zhvilluan probleme mendore, krahasuar me 14.4% të atyre që nuk kishin probleme të zemrës. Prandaj doli që rreziku i problemeve mendore është 50% më i lartë tek njerëzit që vuajnë nga fibrilacioni atrial.

Dëmtimi Alzheimer dhe vaskular

“Ne gjithashtu zbuluam, shpjegon Joung, që fibrilacioni atrial rriti rrezikun e sëmundjes së Alzheimerit me 30% dhe më shumë. Sidoqoftë, marrja e ilaçeve të duhura për zemrën ul rrezikun e sëmundjeve mendore”.

Studiuesit shpjegojnë se rezultatet e tyre tregojnë se ekziston një lidhje midis fibrilacionit atrial dhe problemeve mendore, jo se fibrilacioni atrial shkakton çmenduri.

Lexo edhe: Problemet me dhëmbët mund të shkaktojnë sëmundje mendore