Pas lindjes ajo që të mbetet nga shtatzania janë kilet e tepërta si edhe trupi jo i tonifikuar, gjë që e bën nënën e re të ndihet keq dhe të fillojë të fshehë trupin e saj poshtë rrobave të gjera.

Jetoni dhe mendoni ndryshe, ka ardhur momenti!

Këtë e shpreh një showgirl italian, Michelle Hunziker, e cila e di mirë se çfarë do të thotë të gjendesh me peshë të madhe pas lindjes duke qënë se ka sjellë në jetë plot 3 vajza! Edhe pse ajo është munduar të rikthehet në formë, ka dashur të bëjë një apel për të gjitha nënat e reja që nuk ndihen mirë me veten pas lindjes!

Disa fjalë për të gjitha nënat!

“Dua t’ju them të gjitha nënave se e kuptoj shumë mirë sa e vështirë është të hysh në instagram në këtë periudhë vere dhe të shikosh vajza me kostume banjoje në masën 38. Shikoni këtë foto, e kam bërë ndërsa ushqeja me gji vajzën time Sole dhe shikoni mirë sa e shëndoshë kam qënë dhe nuk e keni idenë sa krenare isha. Kisha plot 14 kile më shumë se normalisht të ngelura nga shtatzania!

Kam sjellë në jetë 3 vajza dhe them me bindje se të sjellësh në jetë një fëmijë është diçka e rëndësishme, madje një sukses i vërtetë. Jemi treguar shumë të zonjat! Bebja juaj është një fletë e bardhe mbi të cilën do të shkruani sa shumë e doni, sa shumë e keni dëshiruar, se do të jeni gjithnjë pranë tij…

Ky është një moment magjik që nuk do të kthehet kurrë më, dhe unë jam munduar të shijoj çdo moment bashkë me vogëlushet e mia. Janë qënie të vogla dhe të bukura, të brishta që kanë nevojë për kujdes dhe ankthi për t’u rikthyer në formë nuk do t’ju lejojë të shijoni asnjë moment të bukur nga jeta.

Mund të riktheheni në formë në një moment tjetër, kur të ndiheni gati!  Merrni parasysh çfarë lindje keni pasur, nëse keni bërë një lindje natyrale mund të bëni pak sport, nëse ka qënë një operacion do t’ju duhet më tepër kohë…”

Gjithsesi mbani mend se jeni shumë të bukura dhe unë ju kam shumë xhan”!

Nëna, përpiquni t’i kuptoni dhe vlerësoni këto fjalë!