Bryan-Andrew ishte një fëmijë 3-vjeçar, i cili ka rënë në gjumë duke shqiptuar fjalët “mami të dua shumë”, për të mos u zgjuar më kurrë! Shkaktar i kësaj tragjedie familjare është bërë SIDS, sindroma e vdekjes së papritur në gjumë të laktantit. Kjo është një sindromë e cila konsiderohet si faktor rreziku për jetën e fëmijëve nga lindja deri në vitin e parë të jetës, dhe rasti i Bryan-Andrew konsiderohet si tepër i pazakontë. Kushte të veçanta së të fjeturit rrezikojnë çdo ditë fëmijët e vegjël, dhe ndër to më e rrezikshme konsiderohet e fjetura përmbys e fëmijës. Për më shumë ja çfarë shkruan nëna e tij Jasmine Shortland në facebook:
“Dita e sotme do të më shoqërojë për gjithë pjesën tjetër të jetës time. Sot djali im i madh dhe bukurosh hapi krahët dhe fluturoi në qiell. Natën e mirë dhe gjumë të ëmbël djaloshi im! Mami të do shumë Bryan-Andrew, ëngjëlli im i madh! Të lutem ndriço sot për ne! Kjo është shumë e vështirë, tashmë jemi të mjeruar”!
Fjalë prekëse, fatkeqsi pa asnjë ngushëllim për prindin, dhe ndërsa përjeton diçka të tillë, familjes i duhet të përballet edhe me mbledhjen e fondeve për të kryer ceremoninë mortore të fëmijës! Dhe midis fjalëve prekëse nëna jep një këshillë për të gjithë prindërit ndërsa shkruan:
“Yjet po të presin djali im i vogël. Për të gjithë prindërit, i përqafoni fort fëmijët tuaj para se të flenë, i përqafoni dhe i thoni se i doni shumë”!
Për të lënë një koment ju duhet të jeni regjistruar Identifikohu