Rasaan Urquhart ka një mesazh për këdo që kërkon të festojë ditëlindjen apo festa të tjera me fishekzjarrë, të shijojë spektaklin e tyre, por në distancë. 25-vjeçari u verbua në njërin sy pas një shpërthimi në fytyrë në fillim të këtij viti, një dëmtim që e kufizon atë si nga ana profesionale, sepse punon zjarrfikës edhe në rolin e tij si baba.

“Papritmas, dikush filloi ndezjen e fishekzjarrëve aty afër dhe një prej tyre nuk po ndizej. Unë shkova për të ndihmuar, por pasi u afrova fishekzjarrët më shpërthyen në fytyrë”, – tregon ai.

“Në fillim nuk ndjeva asgjë, pastaj pashë gjak. Ishte tronditje e madhe. Që në atë moment e ndjeva se do të verbohesha”.

25-vjeçari ka humbur plotësisht shikimin në syrin e majtë, ndërsa ende ka paqartësi në shikim nga syri i djathtë. Ai sa vjen e po përmirësohet, por lëndimi ka pasur pasoja të përhershme.

“Duke e ditur se kam dy fëmijë të vegjël, kisha frikë se do të rrezikoja atë që mund të bëja me fëmijët e mi”, tha ai.

25-vjeçari gjithashtu nuk ka qenë në gjendje të kthehet në detyrë si vullnetar në shërbimin zjarrfikës.

“Shkoni dhe argëtohuni, por jini të sigurt kur bëhet fjalë për fishekzjarre”, është mesazhi i tij për këdo që merr pjesë në një gëzim ku festohet me fishekzjarrë.

“Njerëzit duhet të jenë të vetëdijshëm se fishekzjarrët e blera nga konsumatori mund të shkaktojnë lëndime shumë serioze”, tha Dr. Murchison në deklaratën e spitalit.

Ata kryesisht duhet të mbrojnë duart dhe fytyrën. Djegiet sipërfaqësore mund të trajtohen në shtëpi me aloe dhe lehtësuesit e dhimbjeve, por vetëm nëse lëkura nuk është çarë. Mbajeni plagën të pastër duke përdorur ujë steril, pasi mund të infektohet shumë lehtë, prandaj duhet të monitorohet nga afër.

Djegiet në fytyrë, në bark ose në organet gjenitale, ose ndonjë dëmtim që përfshin gjakderdhje duhet të trajtohet menjëherë në departamentin e emergjencave të spitalit.

Mjekët gjithashtu paralajmërojnë kundër prekjes ose përdorimit të fishekzjarrëve të pashpërthyera në asnjë mënyrë. Edhe sikur të duket se nuk është e rrezikshme, ajo mund të shpërthejë.

Gjithmonë mbani syze sigurie kur ndizni fishekzjarre dhe mos ndizni disa njëkohësisht. Përdorini fishekzjarrët vetëm jashtë, larg ndërtesave dhe automjeteve, dhe mbani një kovë me ujë afër. Ndërsa kafshët shtëpiake mbajini larg, diku të mbyllura sa të ndizni fishekzjarrët, sepse mund të tremben.

Lexo edhe: Perdorimi i fishekzjarreve, kujdes me femijet!

Sorry, there are no polls available at the moment.

')}