Këngëtarja me famë botërore Pink ka sjellë për publikun videon e saj më të fundit, por ndryshe nga gjithë herët e tjera, ajo vjen më bukur se kurrë me të bijën 7-vjeçare Willow.

Nënë e bijë Pink dhe Willow kanë interpetuar këngën “A Million Dreams”, nga filmi “The Greatest Showman.”

Këngëtarja ka publikuar prapaskenat e këtij xhirimi dhe pamjet janë të mahnitshme.

Pink, e ulur në gjunjë, në të njëjtin nivel me të bijën është shumë e vëmendshme gjatë kohës që ajo performon. Në fillim Pink i thotë se është qesharake ndërsa vajza nuk e kupton përse. Por, këngëtarja e bën gjithë këtë për të krijuar situatë gazmore dhe me shumë dashuri i thotë të bijës se e do shumë dhe është shumë e lumtur që e ka në jetën e saj.

Në fund të regjistrimit Pink e inkurajon të bijën, duke i thënë se ka interpretuar shumë bukur të gjithë pjesën.

Sigurisht me një nënë si Pink, është e kuptueshme që vajza të ketë trashëguar talentin muzikor, por më shumë sesa për pjesën profesionale të muzikës, nënat bëjnë mirë të këndojnë me fëmijët sepse muzika zhvillon trurin e tyre.

Edhe nëse ju nuk këndoni dot si Pink, gjithsesi fëmija do të përfitojë sërish shumë ky moment i kaluar së bashku.

Lexo edhe: Muzika perforcon lidhjet prinder-femije