Deputetja e opozitës, Edlira Hyseni si duket nuk ka përmbajtur dot lotët sot gjatë seancës plenare, në Kuvendin e Shqipërisë. Hyseni u ndal gjerë e gjatë te lëkundjet e tërmetit të 26 nëntorit, ku shumë persona humbën jetën. Ajo tha se pas kësaj fatkeqësie qyteti i Durrësit ka nevojë për më shumë dashuri.
”Unë jam prind, jam nënë dhe në këtë situatë patëm emergjencën të kujdeseshim për jetën. Në katër të mëngjesit nuk kishte ndarje politike. Njerëzit kanë humbur shumë në të gjitha drejtimet dhe sot Durrësi ka nevojë të rigjejë besimin. Durrësi ka nevojë për një shtet për një qeveri që do t’i përgjigjet, ka nevojë për dashuri. Unë nuk dua të besoj që do preken ato lekë për personat e prekur nga tërmeti.
Durrësi ka nevojë edhe për të gjetur drejtësi por prioritet është rikthimi në normalitet. Shkollat në Durrës janë të dëmtuara. Prindërit kanë frikë të rikthejnë fëmijët në shkollë. Kanë rënë pallate që janë ndërtuar në 10-vjeçarin e fundit.” u shpreh Hyseni.
Për të lënë një koment ju duhet të jeni regjistruar Identifikohu