Në momentin që jeni shtatzanë apo bëhesh nënë, vendimi më i mirë që mund të marrësh është të heqësh dorë nga duhani, e madje këtë duhet ta bëjë edhe bashkëshorti yt, duke qënë se tymi pasiv është po aq i dëmshëm për fëmijën sa edhe ai i marrë drejtpërsëdrejti gjatë shtatzanisë. E dini se në botë shumë nëna kanë hequr dorë nga duhani për të mirën e fëmijëve? Nuk e besoni? Edhe unë jam një prej tyre, e madje kam qënë një konsumuese e rregullt e duhanit për plot 11 vite, por ai kapitull u mbyll kur në jetën time u hap një i ri fill pasi testi rezultoi aksidentalisht pozitiv. Megjithatë jo të gjitha nënat e bëjnë këtë dhe madje disa nuk e konsiderojnë si rrezik tymin pasiv.
Në të kaluarën është kryer një studim në lidhje me nënat që konsumonin duhan dhe rrezikun e tyre nga prekja e tumorit. Por kjo nuk është e gjitha. E dashur nënë po të tregojmë edhe disa sekrete të vogla që ndoshta do të bëjnë të heqësh dorë nga veset e këqija.
Ti je në rrezik por nuk e ke idenë sa i rrezikuar është fëmija yt!
- Ndërsa ju vuani në tmerrin e mungesës së nikotinës nëse le duhanin, ndoshta nuk mendoni fare se si ndihet fëmija juaj apo cilat rreziqe i kanosen gjatë duhanpirjes tuaj. Nuk duam t’ju bëjmë moral por disa prej tyre mund të jenë: Vuajnë më shpesh në adoleshencë nga otiti;
- Të porsalindurit kanë një peshë më të vogël në lindje dhe nuk rriten në mënyrën e duhur;
- Mushkëria e tyre nuk e kryen si duhet funksionin e saj;
- Në moshë madhore mund të vuajnë nga problemet kardiake etj.
Dhe të gjitha këto dëme apo edhe të tjera vetëm sepse ti apo bashkëshorti yt nuk heq dot dorë nga duhani! Absurde! Të duash më shumë një cigare se shëndetine fëmijës? Rreziqet jane te medha. Madje disa studime tregojnë edhe se këta fëmijë e humbin elasticitetin e arterieve.
E dini se…
Falë një testi të kryer në një grup fëmijësh dhe prindërish është kuptuar se fëmijët shqetësohen në lidhje me shëndetin e nënës dhe babait sepse e kuptojnë që tymi është i dëmshëm. Pra i krijoni fëmijës edhe stresin psikologjik se shëndeti juaj është në rrezik kur pini duhan!
Lexo edhe:
Si te heqim dore nga duhani ne shtatzani?
')}
Për të lënë një koment ju duhet të jeni regjistruar Identifikohu