Janë në lojë shumë faktorë negativë dhe pozitivë që ndikojnë në duhanpirjen tek adoleshentët, dhe ndër këta faktorë, është edhe dialogu cilësor që babai mund të bëjë me fëmijën.
Sipas ekspertëve…
Sipas një studimi të kryer në 3500 të rinj, dhe që më pas u prezantua në konferencën vjetore të “British psychological society”, roli i babait është shumë i rëndësishëm. Ata theksuan se më të prirur për të filluar duhanin ishin fëmijët nga mosha 15-24 vjeçare, dhe shumë prej tyre në këtë moshë mund të konsiderohen edhe duhanpirës të rregullt.
Edhe pse fushatat ndërgjegjësuese në lidhje me pasojat janë të shumta, rreth 20% e gjithë popullsisë botërore janë të varur nga nikotina.
Atëherë si të parandalojmë duhanpirjen tek fëmija jonë?
Sipas ekipit të doktor James White, të Universitetit të “Cardiff”, një rol thelbësor luan komunikimi që babai krijon me fëmijën e tij adoleshent, kjo do të ishte një nga mënyrat më të mira për ta parandaluar.
Por sipas ekspertëve rëndësi do të ketë edhe komunikimi instensive dhe cilësor në lidhje më ketë fenomen edhe me pjesëtarët e tjerë të familjes. Pra të gjithë në shtëpi mund të qëndrojnë bashkë dhe të bisedojnë në lidhje me fenomenin e duhanpirjes, efekteve, varësisë duke mos ju drejtuar fëmijës në formë detyruese. Gjithashtu në duhanpirje ndikojnë edhe faktorë të tjerë si mosha, seksi, fakti nëse prindërit janë duhanpirës apo jo etj. Por e theksojmë edhe njëherë, rëndësi më të madhe ka komunikimi ndërmjet babait dhe fëmijës.