Shokët e klasës s ënjë 11-vjeçari me leuçemi kanë bërë një gjest fisnik për të shprehur afërsinë dhe solidarizimin me shokun e tyre të sëmurë. Ata kanë rruar flokët tek një berber, për t’u dukur dhe ndjerë të barabartë me Davidin, djaloshin e prekur nga leuçemia, i cili kishte humbur flokët për shkak të sëmundjes.
Historia
Berberi tek i cili u drejtuan fëmijët, të gjithë së bashku, për t’u bërë tullacë, u befasua këndshëm nga kërkesa. Kjo është arsyeja pse, kur ai e tregoi ndodhinë për një radio, ai pranoi se nuk dëshironte të paguhej.
“Jam unë që duhet të paguaj për të, për mua është një shfaqje e vërtetë dhe një mësim jete”,- tha burri.
Gjesti i shokëve të shkollës
Fëmijët zgjodhën t’i rruanin flokët për t’u siguruar që shoku i tyre David të mos ndjehej i vetëm, por gjithashtu ta bënin atë të kuptojë se të qenit tullac nuk mund dhe nuk duhet të jetë një arsye për t’u ndjerë në siklet.
“Të keni flokët të rruar nuk është aq keq, edhe nëse keni shumë ftohtë. Ne kemi prerë flokët për një arsye të mirë, prindërit tanë gjithashtu menduan se ishte një ide e shkëlqyeshme, ata thanë se ishin të lumtur që na shihnin kaq pranë tij”, – thanë të rinjtë.
Për t’i falënderuar ata, Davidi u dërgoi disa lodra shokëve të tij të klasës. Pastaj, ai shkoi në spital për të filluar ciklin e trajtimeve, duke pritur të kthehej te miqtë që e presin krahëhapur.
“Ne po e presim këtu në shkollë, ai duhet të jetë i fortë sepse do t’i kapërcejë të gjitha këto. Ai nuk është vetëm, ne mezi presim ta shohim atë në shkollë çdo ditë”.
Lexo edhe: Foto që po thyen rrjetin: Motra ndihmon vëllanë me leuçemi
Për të lënë një koment ju duhet të jeni regjistruar Identifikohu